Pra heta jana zajaviła ŭ videazvarocie, jaki vykłała ŭ sacsietcy X.
Kiensinhtonski pałac abviaściŭ, što pryncesa ciapier prachodzić rannija stadyi kursu prafiłaktyčnaj chimijaterapii.
Puchlina ŭ pryncesy Kiejt była vyjaŭlenaja padčas testaŭ, zroblenych paśla apieracyi ŭ brušnoj połaści, pieraniesienaj joju ŭ studzieni. Typ puchliny nie raskryvajecca.
Pryncesa zapisała videazvarot, u jakim skazała nastupnaje:
«Viadoma, heta stała vielizarnym uzrušeńniem, i my z Uiljamam robim usio, što možam, kab heta asensavać i spravicca z hetym pryvatna dziela našaj maładoj siamji. Jak vy možacie sabie ŭjavić, na heta spatrebiŭsia čas. Mnie byŭ patrebny čas, kab adnavicca paśla surjoznaj apieracyi i pačać [ankałahičnaje] lačeńnie.
Ale samaje hałoŭnaje, nam byŭ patrebny čas, kab usio rastłumačyć Džordžu, Šarłocie i Łui prydatnym dla ich čynam, i zapeŭnić ich, što sa mnoj usio budzie narmalna».
«Ja im skazała, što ja zdarovaja i rablusia macniej z kožnym dniom, zasiarodžvajučysia na tym, što dapamoža mnie vyhaicca rozumam, ciełam i ducham», — padkreśliła pryncesa.
Chimijaterapiju Kiejt pačała ŭ kancy lutaha.
U śviokra Kiejt, brytanskaha karala Karła III, taksama niadaŭna vyjavili rak.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ7
Kamientary