Ministr zamiežnych spravaŭ Litvy Vihaŭdas Ušackas sychodzić z pasady.
Ministr zamiežnych spravaŭ Litvy Vihaŭdas Ušackas sychodzić z pasady. Siońnia jon źbirajecca zanieści zajavu ab adstaŭcy premjer‑ministru Andrusu Kubilusu.
U sieradu niedavier ministru vykazała prezident Dala Hrybaŭskajte. «Prezident infarmavała, što ŭ cełym praca z Ušacksam była niaŭdałaj i bieśpierśpiektyŭnaj», — skazaŭ pres‑sakratar Hrybaŭskajte Linas Balsis.
«Prezident choča, kab urad bolš pracavaŭ i mienš razmaŭlaŭ. Takaja ŭstanoŭka dziejničaje ŭ dačynieńni ŭsich ministraŭ. Viedajecie, dypłamatyja i zamiežnaja palityka — heta tonkaja halina.
Možna ŭspomnić niekatoryja ŭltymatumy ŭ adras susiednich dziaržaŭ, kali ministr pradjaŭlaŭ ultymatum, a prezident zaklikała da palityčnaha dyjałoha», — paviedamiŭ ab pryčynach Ł.Balsis.
Tydzień nazad Vihaŭdas Ušackas uručyŭ Biełarusi notu, što Hienieralnaja prakuratura admoviłasia vydavać Litvie hienierała Uładzimira Uschopčyka. Ušackas zajaviŭ, što Łukašenka nie vykanaŭ abiacańnie, jakoje davaŭ padčas svajho pryjezdu ŭ Vilniu.
Sama Hrybaŭskajte na heta adreahavała nastupnym čynam:
«U Litvy niama jurydyčnych padstavaŭ patrabavać vydačy Uschopčyka. Pa dziejsnaj damovie Litva nie moža patrabavać ekstradycyi hramadzianina Biełarusi», — skazała prezident.
-
Vieniesueła praz tydzień paśla ziemlatrusu: amal 2300 zahinułych, źnikłych bieź viestak, vierahodna, bolš za 40 tysiač
-
64‑hadovaja žančyna ŭ ZŠA atruciła siabie, dačku i čaćviarych unukaŭ
-
Tramp maje namier pastavić suśvietny rekord pa kolkaści zapuščanych fiejervierkaŭ u dzień 250‑hodździa niezaležnaści ZŠA
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju1
Kamientary