«Niekatoryja zorku złavili. Vyjści na ekran, łajučy ŭsio…». Na kaho z prapahandystaŭ namiakaŭ Łukašenka?
Na miedyjaforumie, dzie sabralisia supracoŭniki dziaržaŭnych ŚMI, Alaksandr Łukašenka raskrytykavaŭ niekatorych prapahandystaŭ.
«Viedajecie, da mianie dachodziać adhałoski niejkich sprečak, što niekatoryja našy žurnalisty, nie kryŭdziciesia, zorku złavili i davaj aŭtarskija pieradačy: «Ja tut zrablu, ja…»
Ja za, ja nie suprać aŭtarskaha telebačańnia. Ale stać aŭtaram niejkaj pieradačy — treba razumieć, što heta kałasalnaja praca, u adzinočku takuju pieradaču nie zrobiš. I my vielmi šmat, vielmi šmat apuskajemsia nižej za płanku, kali padrychtoŭvajem hetyja pieradačy. Tamu budźcie vielmi akuratnyja, pradumvajcie ŭsio.
Vyjści na ekran i lapić tam usio zapar, vybačajcie mianie za heta słova, łajučy ŭsio i ŭsia vakoł, ličačy, što ty ŭžo va ŭsim razabraŭsia — niebiaśpiečnaja tendencyja, padumajcie nad hetym»,
— skazaŭ Łukašenka.
«Apuściciesia na ziamlu, siadźcie i padumajcie, — dadaŭ jon. — I tyja, chto siońnia zaźviaździŭsia na hetych prahramach, pastaŭcie pierad imi płanku — nižej nielha, skačycie, budziecie na ekranach televizara. Nie — nu, idzicie rychtujciesia. U advarotnym vypadku vy zhubiciesia, a my vymušany budziem ad vas admovicca».
Kaho mieŭ na ŭvazie palityk, nie ŭdakładniałasia.
Paźniej maładaja śpiecyjalistka «Mahiloŭskich viedamaściaŭ» Ksienija Buhłak spytała ŭ Łukašenki, jak jon stavicca da «dziorzkaj žurnalistyki», naprykład da taho, što robić Ryhor Azaronak. Palityk adkazaŭ, što śmiełaść i rezkaść uchvalaje.
«Ale rabicie heta jak možna karektniej. Nie treba kryŭdzić tych, kaho vy nie pavinny pakryŭdzić».
Ciapier čytajuć
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej3
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary