Na vybarach u Bielhii partyja premjera nabrała mizernyja 5,4%, a zaprašeńni na vybary pahryźli ślimaki
Vybary ŭ Bielhii źjaŭlajucca abaviazkovymi dla hramadzian, jakija dasiahnuli 16 hadoŭ. Za niaŭdzieł praduhledžany štrafy.
Partyja premjer-ministra Belhii Alaksandra de Kro prajhrała vybary ŭ fiederalny parłamient, atrymaŭšy 5,4% hałasoŭ, ci siem miescaŭ z 150, piša Rasijskaja słužba Radyjo Svaboda.
«Dla nas heta byŭ asabliva ciažki viečar, my prajhrali. Z zaŭtrašniaha dnia ja sychodžu ŭ adstaŭku z pasady premjer-ministra. Ale libierały mocnyja, my vierniemsia», — skazaŭ De Kro, vystupajučy ŭ noč paśla vybaraŭ u ślazach.
De Kro praciahnie vykonvać abaviazki premjer-ministra da farmiravańnia nastupnaha ŭrada. Nivodnaja ź sił nie atrymała značnaj pieravahi, tamu majuć być pieramovy ab kaalicyi. Paśla minułych vybaraŭ jany zaniali amal piaćsot dzion.
U lidarach — dźvie nacyjanalistyčnyja partyi, jakija ŭ ciapierašnim sklikańni znachodzilisia ŭ apazicyi. Pa vynikach vybaraŭ «Novy fłamandski aljans» (N-VA) zojmie 24 miescy, bolš radykalny «Fłamandski intares» (Vlaams Belang) — 20 miescaŭ.
Abiedźvie partyi vystupajuć za adździaleńnie Fłandryi ad Bielhii i prytrymlivajucca jeŭraskieptyčnaj pazicyi.
Vybary ŭ Fiederalny parłamient Bielhii prajšli adnačasova z rehijanalnymi i ahulnajeŭrapiejskimi vybarami ŭ niadzielu, 9 červienia. Ich vyniki adlustroŭvajuć ahulnyja tendencyi: uzmacnieńnie pravych i rezkaje pasłableńnie «zialonych». Apošnija stracili ŭ Jeŭraparłamiencie adrazu dvaccać miescaŭ.
Vybary ŭ Bielhii źjaŭlajucca abaviazkovymi dla hramadzian, jakija dasiahnuli 16 hadoŭ. Za niaŭdzieł praduhledžany štrafy.
Bielhijcy atrymlivajuć zaprašeńni na vybary pa pošcie. Sioleta ich abhryźli ślimaki — až da niečytelnaha stanu.
Makron raspuściŭ francuzski parłamient i abviaściŭ daterminovyja vybary
Pra što dumaŭ Makron, abviaščajučy daterminovyja vybary
Premjer Bavaryi zaklikaŭ jak maha chutčej pravieści vybary ŭ Hiermanii paśla pravału partyi Šolca na vybarach
Partyja Viktara Orbana na vybarach u Jeŭraparłamient pakazała najhoršy vynik za 20 hadoŭ
Chutčej za ŭsio, ultrapravyja nie zmohuć stvaryć kaalicyju ŭ novym składzie Jeŭraparłamienta. Voś čamu
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary