Na karupcyju ŭ struktury ahulnaj złačynnaści prypadaje mienš za 2%. Takuju ličbu nazvaŭ namieśnik hienieralnaha prakurora Alaksiej Stuk padčas pres-kanfierencyi ŭ Nacyjanalnym pres-centry.
Alaksiej Stuk udakładniŭ, što ŭ krainie štohod uličvajecca kala 1,3 tysiač karupcyjnych złačynstvaŭ. U vyniku da adkaznaści pryciahvajuć u siarednim pa 900 čałaviek.
U 2023 hodzie pa vynikach 803 pravierak prakurory ŭnieśli 2053 akty nahladu, pryciahnuli da adkaznaści 2911 słužbovych i jurydyčnych asob. Akramia taho, inicyjavana vyzvaleńnie 23 asob ad zajmanych pasad.
Darečy, za studzień — maj 2024 hoda ahulnaja kolkaść zarehistravanych złačynstvaŭ apynułasia na 10,7% mienš u paraŭnańni z takim ža pieryjadam 2023-ha.
U Hienprakuratury adznačyli rost złačynstvaŭ suprać paradku ažyćciaŭleńnia ekanamičnaj dziejnaści. Hety rost tłumačać pavieličeńniem faktaŭ niezakonnaha abarotu srodkaŭ płaciažu abo instrumientaŭ bolš čym u 2 razy (z 121 da 295), a taksama ŭchileńnia ad vypłaty padatkaŭ i zboraŭ na 15,9% (z 132 da 153).
Kamientary
- Da svajho prychoda da ŭłady Łukašenka "złaviŭ" kiraŭnika krainy - "karupcyjaniera" Šuškieviča na "kradziažu" skryni ćvikoŭ.
- Praz 30 hod panavańnia Łukašenki i jahonaj demanstratyŭnaj vajny suprać karupcyjanieraŭ ŭ jahonaha vysokaha viertykalščyka (navat nie paplečnika) Dułuba ź Biełčyhunki znajšli 3 miljony baksaŭ hatoŭkaj.