Śviatłana Cichanoŭskaja jedzie ŭ Vašynhton, dzie prymie ŭdzieł u Publičnym forumie NATA pa zaprašeńni hienieralnaha sakratara Jensa Stołtenbierha.
Padčas vizitu ŭ Vašynhton z 9 pa 12 lipienia Śviatłana Cichanoŭskaja vystupić na šerahu mierapryjemstvaŭ, dzie raskaža pra situacyju ŭ Biełarusi, hibrydnyja ataki režymu suprać Polščy, Litvy i Łatvii, raźmiaščeńnie jadziernaj zbroi i mahčymyja scenary raźvićcia padziejaŭ, paviedamlaje jaje pres-słužba.
«Ja rada, što demakratyčnyja siły ŭ Biełarusi pačynajuć dyjałoh z NATA. Aljans zasnavany na kaštoŭnaściach, jakija blizkija biełarusam — svaboda, pravy čałavieka, demakratyja i viaršenstva prava. Ja liču, što dla kožnaj jeŭrapiejskaj krainy nieabchodna budavać pavažlivyja i kanstruktyŭnyja adnosiny z NATA. Heta važna i dla Biełarusi, dla našych nacyjanalnych intaresaŭ i dla padtrymańnia rehijanalnaj biaśpieki. Ja b chacieła, kab Biełaruś usprymałasia jak nadziejny, mirny i pradkazalny partnior.
Biełaruś pavinna być uspryniataja nie tolki jak pahroza, ale i jak mahčymaść. My vielmi nie chočam, kab Biełaruś stała suciašalnym pryzam dla Pucina. Padčas samitu ŭ mianie budzie mahčymaść pahavaryć z pradstaŭnikami i sajuźnikami NATA pra dalejšy dyjałoh, abmien infarmacyjaj i supracoŭnictva ŭ miedyjapoli».
U traŭni Śviatłana Cichanoŭskaja sustrełasia z kiraŭnictvam NATA i vystupiła pierad Paŭnočnaatłantyčnym savietam u Brusieli.
Milinkievič: Kiepska, što Cichanoŭskaja nie razumieła, čyj Krym. Ale jana prajšła evalucyju
Prezident Estonii zhadaŭ Biełaruś padčas uračystaściaŭ u Vilni
Univiersitet Daŭhaŭpiłsa vydzieliŭ dla biełarusaŭ biudžetnyja miescy ŭ mahistratury
Cichanoŭskaja pra muža: Roŭna hod nazad režym apošni raz pakazaŭ majho Siarhieja
Kamientary