Azaronak abvinavaciŭ častku łukašystaŭ u pracy na zachodniuju raźviedku
«Daŭno hučyć tezis — dy pofih na hetych zmaharoŭ, treba mačyć unutranaha voraha».
Prapahandyst Ryhor Azaronak aburyŭsia praŭładnym błohieram, jaki chadziŭ na efir da Sałaŭjova, kab paskardzicca na prahramu «Słavianskaha bazara».
«Mianie niejak tak vychavali, što takija voś pavodziny — naprasicca ŭ efir brackaj dziaržavy skardzicca na svajo ŭłasnaje — heta… nu zaškvar, tavaryšy. Luty zaškvar. Hańba. Fu. Hadaść. Śliź. Brud», — napisaŭ Azaronak u svaim telehram-kanale.
A dalej aburyŭsia łukašystami, jakija šukajuć vorahaŭ siarod svaich i nakručvajuć prychilnikaŭ — vidavočny namiok na danosčycu Volhu Bondaravu, mastačku Śviatłanu Žyhimont i ich paplečnikaŭ.
«Vakoł zdradniki, vakoł vorahi, jany zasieli na samym viersie, Baćka nie bačyć, a moža, i jon sam…
My vyrazna bačym vielmi źjedlivaje, isteryčnaje asiarodździe, dzie dziaržavu i ŭładu haniać i źnievažajuć kožny dzień. Dzie daŭno hučyć adzin i toj ža tezis «dy pofih na hetych zmaharoŭ, plavać na ich, jany nie niebiaśpiečnyja, treba mačyć unutranaha voraha».
Pry hetym ja ŭparta sprabuju šukać adroźnieńni pamiž hetaj hrupaj i zmaharami i nie mahu znajści. Taja ž złość, «niepryznanyja hienii», luby, chto skaža słova papiarok — vorah, had, bryda, zdradnik».
A samaje žudasnaje dla Azaronka, što heta adbyvajecca pad łozunhami, jakija jon padzialaje.
I pryčyna tamu nastupnaja.
«Pavodle majoj infarmacyi — jość źviestki ab dačynieńni niekatorych «aktyvistaŭ», jakija vydajuć siabie za «sapraŭdnych» patryjotaŭ i prychilnikaŭ Sajuznaj dziaržavy, da dziejnaści zachodnich raźviedak. Zadańnie zusim kankretnaje: razłažeńnie patryjatyčnaha asiarodździa, raspalvańnie varožaści, uniasieńnie sumiatni ŭ biełaruska-rasijskija adnosiny»,
— padvodzić rysu Azaronak.
I abiacaje, što dalej budzie «vielmi cikava».
Praŭładny błohier paskardziŭsia ŭ efiry Sałaŭjova na «Słavianski bazar» i čynoŭnikaŭ — pačaŭsia skandał
Biasstrašnaja Volha Bondarava najechała na Łukašenku za jaho vystup na paradzie
Bondarava pabačyła niedachop patryjatyzmu ŭ arhanizacyi, jakoj kiruje Viktar Łukašenka
Ruskamirnaja mastačka Žyhimont aburyłasia z nahody pryznačeńnia Markava
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary