Navukoŭcy patłumačyli, čamu katy i koški nie pieranosiać začynienyja dźviery
Pytańnie, jakoje budaražyła rozumy dziasiatki hadoŭ, narešcie razhadanaje.
Vieterynary z Kalifarnijskaha ŭniviersiteta praviali daśledavańnie, jakoje tłumačyć, čamu mnohija katy i koški prajaŭlajuć tryvohu pry vyhladzie začynienych dźviarej i imknucca likvidavać hetuju pieraškodu, piša Smartpress.by.
Jany vyśvietlili, što drapańnie dźviarej i sproby prasunuć łapy ŭ ščylinu pamiž dźviaryma i padłohaj źviazanyja z asablivaściami ich psichałohii. Dziejničać aktyŭna pry sustrečy z začynienymi dźviaryma ich prymušajuć pryrodžanaja cikaŭnaść i strach straty dostupu da zvykłych zonaŭ.
Začynienyja dźviery parušajuć adrazu try važnyja dla katoŭ aśpiekty: abmiažoŭvajuć ich svabodu pieramiaščeńnia, pazbaŭlajuć kantrolu nad terytoryjaj i ŭnosiać źmieny ŭ stanovišča, da jakoha jany pryvykajuć. Koški nie ŭsprymajuć dźviery jak časovuju pieraškodu, i lubaja strata dostupu ŭsprymajecca imi jak pastajannaja.
Vieterynary padkreślivajuć, što mienavita hetyja pačućci tłumačać, čamu katy i koški časta nie zachodziać u pamiaškańnie, u jakoje raniej sprabavali trapić. Ich pryciahvaje nie samo pamiaškańnie, a mahčymaść uvachodu.
Śpiecyjalisty rajać haspadaram katoŭ być paśladoŭnymi i pastajanna trymać začynienymi tyja miescy, kudy jany nie chočuć puskać svaich hadavancaŭ.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary