Pryhody brytancaŭ u Biełarusi: sprečnyja pradmiety pakinuli ŭ kamiery zachoŭvańnia za miažoj, bajalisia pytańniaŭ pra Borysa Džonsana
Užo niekalki miesiacaŭ u Biełarusi dziejničaje biaźviz dla jeŭrapiejcaŭ. My znajšli vodhuk brytancaŭ, jakija im skarystalisia — ale ž dla hetaha turystam daviałosia zrabić niebyvałyja zachady biaśpieki.
Vodhuk, pra jaki idzie havorka, źjaviŭsia ŭ sacsietcy Reddit. Heta historyja brytanca, jaki razam ź siabram, taksama brytancam, naviedaŭ Biełaruś na minułym tydni i zastaŭsia ŭ našaj krainie na čatyry nočy. Aŭtar vodhuku ŭdakładniaje, što za tydzień da pajezdki ŭ Biełaruś jany ź siabram byli ŭ Lvovie, to-bok u ich pašpartach jość štampy ad ukrainskich pamiežnikaŭ.
Karystalnik piša, što pierad pajezdkaj jon šmat šukaŭ parady pa vizitach u Biełaruś — mahčyma, heta natchniła jaho ź siabram na zachady biaśpieki. Na čas pajezdki brytancy pakinuli ŭ varšaŭskaj kamiery zachoŭvańnia ŭsie rečy, da jakich u Biełarusi mahli b uźniknuć pytańni. Taksama pierad pajezdkaj turysty vydalili z telefonaŭ usio, što choć ź minimalnaj imaviernaściu mahło b vyklikać dla ich prablemy, kali b ich telefony trapili ŭ ruki siłavikoŭ.
Akazałasia, pravilna zrabili:
«My pierasiekli miažu la Bresta i nabyli na miažy strachoŭku dla mašyny, a vyjazdžali my ŭ bok Vilni. Na miažy nasamreč mocna praviarali našy telefony i mašynu, chacia my patłumačyli, što jedziem u Biełaruś jak turysty, i potym nam dazvolili zajechać u krainu. Padčas pajezdki nichto nas nie kantralavaŭ».
Vyhladaje, pierad vizitam u Biełaruś brytancy šmat čytali pra toje, što ŭ našaj krainie lepš nie hutaryć pra palityku. Ale zrazumieli heta pa-svojmu: kali ŭ ich zapytali pra byłoha brytanskaha premjera Borysa Džonsana, turysty admovilisia padtrymać razmovu.
Jany raskazvajuć, što padčas pajezdki byli vyklučna ŭvažlivyja, kab nie parušyć nijakija praviły, i rajać inšym navat nie pierachodzić darohu ŭ nienaležnych miescach, kali znachodzišsia ŭ Biełarusi.
Ale ž kraina brytancam spadabałasia — jany kažuć, što biełarusy vielmi tavaryskija i haścinnyja, a Minsk — pryhožy horad. Turysty rajać zahadzia braniravać pakoi ŭ biełaruskich hatelach, bo źniać numar užo na miescy moža być składana.
Aŭtar pasta rekamienduje Biełaruś dla naviedvańniaŭ, bo kraina padałasia jamu vielmi cikavaj. Ale kaža, što kali pakidać hrošy ŭ Biełarusi, to heta moža ŭ niečym aznačać finansavańnie ŭłady Łukašenki — nie dla ŭsich heta moža być prymalna.
Adzin z karystalnikaŭ dapoŭniŭ hety raskaz u kamientary. Pavodle jaho słoŭ, da padarožžaŭ u Biełaruś treba stavicca jak da turyzmu ŭ lubuju krainu z represiŭnym i dyktatarskim uradam:
«Sačycie za svaimi dziejańniami, nie davajcie siabie złavić ź niečym ekstremisckim, dumajcie pra toje, što vy ŭvozicie ŭ krainu ci vyvozicie ź jaje, nie rabicie fota nie tych budynkaŭ ci ludziej — i, napeŭna, z vami ŭsio budzie dobra. U Biełarusi nasamreč nizki ŭzrovień złačynstvaŭ i asabliva žorstkich złačynstvaŭ, tamu najvialikšaj vašaj prablemaj moža akazacca čaplańnie na słovach ad pjanych bamžoŭ.
Prosta vielmi starajciesia vydatkoŭvać mienš hrošaj na dziaržaŭnyja arhanizacyi i bolš na miascovyja maleńkija biznesy. Heta moža być składana, bo administracyja prezidenta vałodaje šmat jakimi papularnymi placoŭkami nakštałt hatelaŭ ci restaranaŭ «Lido», ale heta mahčyma i heta lepš u maralnym płanie».
«Naša Niva» — bastyjon biełaruščyny
PADTRYMAĆ
Kamientary
A tak vsio zamiečatielno było, vo vriemia priebyvanija i na vyjezdie užie nikakich voprosov. Hłavnoje, čtoby dokumienty o riehistracii byli v poriadkie.