Francuzskaje vydańnie Paris Match apublikavała fota stvaralnika Telegram Paŭła Durava i jaho spadarožnicy Julii Vaviłavaj na prahułcy na Jelisiejskich palach.
Duraŭ pasialiŭsia ŭ adnoj z raskošnych haścinic u Paryžy i daručyŭ ahientu znajści jamu dom u «pryhožych paryžskich kvartałach», kab pierajechać na nastupnyja vychodnyja.
Nahadajem, Duraŭ byŭ zatrymany ŭ aeraporcie ŭ pryharadzie Paryža 24 žniŭnia, kali jaho pryvatny samalot pryziamliŭsia tam pa darozie z Azierbajdžana. Biznesmienu vystavili padazreńnie ŭ datyčnaści da 12 surjoznych złačynstvaŭ. Pryčynaj zatrymańnia było toje, što Duraŭ nie supracoŭničaŭ z pravaachoŭnymi orhanami Francyi pry rasśledavańni złačynstvaŭ, źviazanych z vykarystańniem Telegram, a ŭ samim miesiendžary niama maderacyi.
28 žniŭnia Durava adpuścili pad zakład u 5 młn jeŭra, zabaranili pakidać Francyju i abaviazali adznačacca ŭ palicyi dvojčy na tydzień.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary