«Prymusić Rasiju da miru niemahčyma». Piaskoŭ — pra vystup Zialenskaha ŭ Radzie Biaśpieki AAN
U Kramli nazvali «fatalnaj pamyłkaj» mierkavańnie ŭładaŭ Ukrainy, što Rasiju možna tolki «prymusić da miru». Pra heta na bryfinhu skazaŭ pres-sakratar prezidenta RF Dźmitryj Piaskoŭ, kamientujučy vystup Uładzimira Zialenskaha ŭ AAN, piša «Mieduza».
24 vieraśnia prezident Ukrainy zajaviŭ na pasiadžeńni Rady Biaśpieki AAN, što rasijska-ŭkrainskaja vajna pavinna być zakončanaja, a nie prypynienaja abo zamarožanaja — i Rasiju «možna tolki prymusić da miru jak adzinaha ahresara ŭ vajnie i adzinaha parušalnika Statuta AAN».
«Pazicyja, zasnavanaja na sprobie prymusu Rasii da miru, źjaŭlajecca absalutna fatalnaj pamyłkaj. Bo prymusić Rasiju da miru niemahčyma, — adkazaŭ na heta Dźmitryj Piaskoŭ. — Rasija źjaŭlajecca prychilnicaj miru, ale z umovaj zabieśpiačeńnia asnoŭ jaje biaśpieki i vykanańnia tych zadač, jakija stajać pierad SVA (tak u Rasii nazyvajuć uvarvańnie va Ukrainu — NN). Biez dasiahnieńnia hetych metaŭ prymusić Rasiju niemahčyma».
Pradstaŭnik Kramla dadaŭ, što pazicyja ŭładaŭ Ukrainy źjaŭlajecca «hłybokaj pamyłkaj, jakaja niepaźbiežna budzie mieć nastupstvy dla kijeŭskaha režymu».
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB44
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary