U CVK siońnia padali dakumienty ab rehistracyi inicyjatyŭnaj hrupy hramadzian pa zbory podpisaŭ vybarščykaŭ u padtrymku vyłučeńnia Łukašenki «kandydatam u prezidenty».
Kiraŭnikom inicyjatyŭnaj hrupy staŭ Juryj Siańko — staršynia Fiederacyi prafsajuzaŭ Biełarusi, piša BiełTA.
Fiederacyja prafsajuzaŭ — heta kantralavanaja dziaržavaj psieŭdahramadskaja arhanizacyja. U 2020 hodzie inicyjatyŭnuju hrupu taksama ŭznačalvaŭ kiraŭnik hetych psieŭdaprafsajuzaŭ, tady heta byŭ Michał Orda.
«Paśla rehistracyi inicyjatyŭnaja hrupa prystupić da zboru podpisaŭ u padtrymku vyłučeńnia Alaksandra Łukašenki kandydatam u prezidenty. Usie śpiecyjalisty padrychtavanyja, my pierakananyja, što projdziem hety šlach vielmi pryhoža», — skazaŭ Siańko.
U adpaviednaści z zakanadaŭstvam u składzie inicyjatyŭnaj hrupy pa vyłučeńni kandydataŭ u prezidenty pavinna być nie mienš za 100 čałaviek.
«Naš skład značna bolšy, tamu budziem pracavać va ŭsich rehijonach krainy, dzie miascovymi orhanami ŭłady buduć vyznačanyja miescy dla mahčymaha zboru podpisaŭ, taksama ŭ pracoŭnych kalektyvach (ustanoŭleny časovyja ramki, kali heta dazvolena zakonam). Usie mahčymyja formy zboru podpisaŭ buduć vykarystanyja. Pierakanany, što našy śpiecyjalisty spraviacca z hetaj zadačaj», — padkreśliŭ kiraŭnik inicyjatyŭnaj hrupy.
Vybary projduć 26 studzienia 2025 hoda. Kandydatami dla stvareńnia bačnaści kankurencyi majuć stać Aleh Hajdukievič i, mahčyma, Hanna Kanapackaja ci jašče niechta. Adnak u novaj tatalitarnaj realnaści vybary, najchutčej, kančatkova pieratvoracca ŭ praceduru pryniasieńnia hramadstvam klatvy viernaści režymu. Ludziej buduć zmušać padpisvacca za Łukašenku na miescach pracy, a paśla zahaniać na daterminovaje hałasavańnie. Pracent hałasoŭ, jaki prypišuć Alaksandru Łukašenku, Administracyja prezidenta vyznačaje zahadzia.
U CVK padali dakumienty rehistracyi inicyjatyŭnaj hrupy Łukašenki
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie
Hanna Kanapackaja prapanuje sacyjał-demakratam padtrymać jaje na vybarach
«Zdaryłasia niejkaja niešarahovaja padzieja». Čały prahnazavaŭ, što Łukašenka nie pojdzie na vybary, ciapier tłumačyć, čamu ŭsio ž idzie
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary