Aktyvisty «Maładoj Biełarusi» vyviesili ŭ Parku Čaluskincaŭ płakaty suprać pavyšeńnia koštu prajezdu
Pradstaŭniki mižnarodnaj maładziožnaj arhanizacyi «Maładaja Biełaruś» (Litva) praviali 1 sakavika ŭ Minsku akcyju suprać pavyšeńnia koštu prajezdu ŭ hramadskim transparcie.
Zhodna z paviedamleńniem pres‑słužby arhanizacyi, u rajonie parku Čaluskincaŭ jany vyviesili dva płakaty sa słovami:
«700 r. płacić nie budziem!!!»
Płakaty pravisieli pryblizna hadzinu, paśla čaho byli źniaty supracoŭnikami departamienta achovy MUS.
«Ni zarobki, ni stypiendyi faktyčna nie pavyšajucca. Chutčej, jany marudna pamianšajucca, sychodziačy z uzroŭniu inflacyi. Pastajanna daražejuć tavary pieršaj nieabchodnaści, ciapier padniali košt na prajezd u hramadskim transparcie i aŭtamabilnaje paliva», — adznačyŭ pradstaŭnik arhanizacyi Anton Rusin.
Jon ličyć nieabchodnym źviarnuć na heta ŭvahu ludziej, asabliva pierad vybarami ŭ miascovyja saviety. «Ludzi pavinny adkazna stavicca da vybaraŭ deputataŭ, jakija paśla vyrašajuć takija žyćciova važnyja pytańni, u pryvatnaści, jak košt prajezdu ŭ hramadskim transparcie», — padkreśliŭ aktyvist.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary