Актывісты «Маладой Беларусі» вывесілі ў Парку Чалюскінцаў плакаты супраць павышэння кошту праезду
Прадстаўнікі міжнароднай маладзёжнай арганізацыі «Маладая Беларусь» (Літва) правялі 1 сакавіка ў Мінску акцыю супраць павышэння кошту праезду ў грамадскім транспарце.
Згодна з паведамленнем прэс‑службы арганізацыі, у раёне парку Чалюскінцаў яны вывесілі два плакаты са словамі:
«700 р. плаціць не будзем!!!»
Плакаты правіселі прыблізна гадзіну, пасля чаго былі зняты супрацоўнікамі дэпартамента аховы МУС.
«Ні заробкі, ні стыпендыі фактычна не павышаюцца. Хутчэй, яны марудна памяншаюцца, сыходзячы з узроўню інфляцыі. Пастаянна даражэюць тавары першай неабходнасці, цяпер паднялі кошт на праезд у грамадскім транспарце і аўтамабільнае паліва», — адзначыў прадстаўнік арганізацыі Антон Русін.
Ён лічыць неабходным звярнуць на гэта ўвагу людзей, асабліва перад выбарамі ў мясцовыя саветы. «Людзі павінны адказна ставіцца да выбараў дэпутатаў, якія пасля вырашаюць такія жыццёва важныя пытанні, у прыватнасці, як кошт праезду ў грамадскім транспарце», — падкрэсліў актывіст.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары