Zbornaja Biełarusi pa futbole praviała pieršy tavaryski matč u hetym siezonie. U tureckaj Antalji našy chłopcy sustrakalisia z armianami.
Zbornaja Biełarusi pa futbole praviała pieršy tavaryski matč u hetym siezonie. U tureckaj Antalji našy chłopcy sustrakalisia z armianami.
Kab nie zdaryłasia nijakich incydentaŭ padčas sustrečy, arhanizatary pryniali rašeńnie nie pradavać bilety na futboł. Hulnia prajšła tolki ŭ prysutnaści aficyjnych asob, a taksama niekalkich žurnalistaŭ.
Da hetaha biełarusy i armianie sustrakalisia trojčy. Dva razy ŭ ramkach adboračnaha turniru da čempijanatu śvietu‑2002. Kamanda Małafiejeva tady vyjhrała doma ź likam 2:1, a ŭ Jerevanie syhrała ŭničyju — 0:0.
A dva hady nazad, užo pry Štanhie, armianie na mižnarodnym turniry na Malcie ŭziali revanš — 1:2. Takim čynam, u historyi supraćstajańnia kamand isnavaŭ poŭny parytet.
Biełarusy vyjšli na sustreču bolš nacelenyja na ataku. Kolki razoŭ u pieršym tajmie jany niebiaśpiečna atakavali, ale pieravieści pieravahu ŭ zabityja hały tak i nie atrymałasia.
Pieršaja pałova skončyłasia ź likam 0:0.
Pieršy hod byŭ zabity naprykancy hadziny hulni. Paŭabaronca minskaha «Dynama» Anton Puciła ź blizkaj adlehłaści rasstralaŭ niaźmiennaha varatara armian Ramana Bierazoŭskaha — 1:0.
Praŭda, užo ŭ nastupnaj atacy kaŭkazcy adyhralisia. Paśla fłanhavaha naviesa miač akazaŭsia ŭ futbalista iranskaha «Saat Nafta» Lavona Pačadžana. Jon i rasstralaŭ bramu Siarhieja Vieramko — 1:1.
A na 74‑aj chvilinie biełarusy vyjhrali na ŭdarnuju pazicyju byłoha kapitana Alaksandra Hleba. I paŭabaronca «Štutharta» svoj šaniec nie ŭpuściŭ — 2:1.
Kančatkova ŭsie pytańni pra pieramožcu źniaŭ napadajučy BATE Vital Radzivonaŭ. Treci hoł jany arhanizavali na paru ź Viačasłavam Hlebam — 3:1.
Najchutčej, što nastupny tavaryski matč naša kamanda praviadzie ŭ Minsku 2 červienia suprać šviedaŭ.
Kamientary