Pačałasia rehistracyja abituryjentaŭ dla prafiesijna‑psichałahičnaha sumoŭja
Prafiesijna‑psichałahičnaje sumoŭje nieabchodna prajści dla pastupleńnia na asobnyja śpiecyjalnaści, dzie da abituryjentaŭ vystaŭlajucca asablivyja patrabavańni.
5 sakavika ŭ VNU pačałasia rehistracyja abituryjentaŭ dla prachodžańnia prafiesijna‑psichałahičnaha sumoŭja. Z hetaha času ŭ Biełarusi startavała ŭstupnaja kampanija 2010 hoda.
U adpaviednaści z pastanovaj Ministerstva adukacyi ad 26 lutaha 2008 hoda №17, prafiesijna‑psichałahičnaje sumoŭje nieabchodna prajści dla pastupleńnia na asobnyja śpiecyjalnaści, dzie da abituryjentaŭ vystaŭlajucca asablivyja patrabavańni. Siarod ich: «dziaržaŭnaje kiravańnie», «dziaržaŭnaje kiravańnie i prava», «dziaržaŭnaje kiravańnie i ekanomika», «mižnarodnyja adnosiny», «mižnarodnaje prava», «pravaznaŭstva», «ekanamičnaje prava», «žurnalistyka», «mižnarodnaja žurnalistyka», «mytnaja sprava». Pry hetym sumoŭje nieabchodna prajści ŭsim abituryjentam niezaležna ad taho, jakuju formu navučańnia jany vybirajuć.
Pavodle infarmacyi Minadukacyi, rehistracyja na sumoŭje projdzie pa 31 sakavika ŭklučna. U vypadku kali abituryjent padaje zajavu ab ŭdziele ŭ sumoŭi asabista, jamu nieabchodna pakazać dakumient, jaki śviedčyć asobu. Kali zajava nakiroŭvajecca pa pošcie, da jaje pavinna być prykładziena kopija takoha dakumienta.
Prafiesijna‑psichałahičnaje sumoŭje projdzie z 5 pa 30 krasavika pavodle hrafikaŭ, zaćvierdžanych VNU. Pravodzicca ŭ formie hutarki śpiecyjalnaj kamisii z abituryjentam, meta jakoj — vyznačyć matyvacyju pastupleńnia, acanić asobasnyja jakaści, ahulny ŭzrovień raźvićcia budučaha studenta.
Jak paviedamlaje pres‑słužba Biełaruskaha dziaržaŭnaha univiersiteta, rehistracyja na sumoŭje budzie prachodzić pa budnych dniach z 9.00 da 17.00 (abied — z 13.00 da 14.00) u aŭdytoryi 120 hałoŭnaha korpusa VNU. Pa subotach možna budzie zarehistravacca z 9.00 da 13.00. Prafiesijna‑psichałahičnaje sumoŭje ŭ BDU projdzie 10, 17 i 24 krasavika (reziervovy dzień — 29 krasavika). Letaś dla prachodžańnia prafiesijna‑psichałahičnaha sumoŭja zarehistravałasia bolš za 16 tys. abituryjentaŭ. 103 abituryjentam było admoŭlena ŭ vydačy rekamiendacyi pavodle vynikaŭ hutarki (140 — u 2008 hodzie).
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary