«Boh daŭ vam usio, akramia majho numara telefona»: śviatar-unijat ź Viciebska staŭ zorkaj sacsietak
Ajciec Alaksiej zapisaŭ videa pad trendavuju muzyku i nabraŭ kala 3 miljonaŭ prahladaŭ. Žančyny ŭ zachapleńni!
Kab być bližej da metavaj aŭdytoryi, śviatary roznych relihij usio čaściej iduć u sacyjalnyja sietki.
Ajcu Alaksieju, nastajacielu prychoda hreka-katalickaj carkvy ŭ Viciebsku, udałosia trapić u trendy. Jon davoli aktyŭna viadzie akaŭnty ŭ instahramie i tyktoku.
Nieviadoma, ci dapamahło jamu heta zavabić novych ludziej u chram, ale armiju fanatak jon užo znajšoŭ. Sam śviatar žartuje z hetaha. Niekalki dzion tamu, naprykład, Alaksiej vykłaŭ rolik, u jakim tančyć pad virusnuju ciapier muzyku — pieršy kuplet pieśni śpievaka Ułada Darvina «Try siastry». I padpisaŭ: «Kali viadzieš sacyjalnyja sietki i imkniešsia być u trendzie, ale ŭ carkvie pa-raniejšamu try babuli».
Kto znajet, čto diełať, podskažitie
Za pieršyja dva dni videa nabrała ŭ tyktoku 1,3 miljona prahladaŭ i kala 120 tysiač łajkaŭ. Siarod kamientataraŭ šmat chto ŭ zachapleńni ad pryhožaha mužčyny (ale niechta i rasčaravaŭsia, niejkim cudam razhledzieŭšy zaručalny piarścionak na ruce śviatara).
Najbolš papularny kamientar sabraŭ kala 5500 łajkaŭ. Hučyć jon tak: «Śviaty ajciec, kali b vy nie mieli žonki, prychadžan było b bolš».
Jašče adna kamientatarka biaduje: «Alaksiej, Boh daŭ vam usio, akramia majho numara telefona», — i ź joj pahadziłasia niekalki socień žančyn.
Darečy, u instahramie videa nabrała jašče bolš prahladaŭ — ažno 1,5 miljona.
Kamientary
Nu začiem? Čtob on mienia nazyvał "oaba bożja", kohda ja hospoža?))