Sakratar CVK Alena Bałdoŭskaja rastłumačyła žurnalistam, čamu zabaronienaja zdymka zapoŭnienaha biuletenia, piša BiełTA.
«Ciapier u vybarčym zakanadaŭstvie dakładna prapisana norma, jakaja vyznačaje zabaronu na fatahrafavańnie abo videazdymku zapoŭnienaha biuletenia i na vynas biuletenia za miežy pamiaškańnia dla hałasavańnia. Takija dziejańni źjaŭlajucca administracyjnym pravaparušeńniem i paciahnuć nakładańnie štrafu na fizičnuju asobu, na vybarščyka ŭ pamiery da 15 bazavych vieličyniaŭ (siońnia — 630 rubloŭ), — adznačyła Alena Bałdoŭskaja.
— Zabarona na fota– i videazdymku zapoŭnienaha biuletenia źviazana z pryncypam tajamnicy hałasavańnia. Kali hramadzianin vystaŭlaje na ŭsieahulny ahlad toje, jak jon prahałasavaŭ u asnoŭny dzień vybaraŭ, jon, pa sutnaści, ažyćciaŭlaje ahitacyju. Ahitacyja 26 studzienia zabaronienaja».
Kamientary