Advakatam Alaksieja Navalnaha dali ad 3,5 da 5,5 hadoŭ kałonii pa spravie ab udziele ŭ «ekstremisckaj» supolnaści
Pietušynski sud Uładzimirskaj vobłaści skončyŭ razhladać spravu suprać byłych advakataŭ Alaksieja Navalnaha — Vadzima Kobzieva, Alaksieja Lipcara i Ihara Sierhunina. Usich troch abvinavačvali pa artykule ab udziele ŭ «ekstremisckim» Fondzie baraćby z karupcyjaj, piša «Miedyjazona».
Sud pryznačyŭ 3,5 hoda Iharu Siarhuninu, 5 hadoŭ Alaksieju Lipcaru i 5,5 hoda Vadzimu Kobzievu.
Usim trom zabaroniena zajmacca advakackaj dziejnaściu na praciahu troch hadoŭ paśla adbyćcia terminu.
Pa viersii śledstva, advakaty Navalnaha, «vykarystoŭvajučy svoj status», pieradavali listy palityka z kałonii jahonym paplečnikam, takim čynam «zabiaśpiečvajučy rehularnuju pieradaču infarmacyi pamiž kiraŭnikami i ŭdzielnikami ekstremisckaj supolnaści». Takim «supolnaściu» rasijskija ŭłady jašče ŭ červieni 2021 hoda abviaścili struktury Alaksieja Navalnaha, u tym liku FBK.
Jašče ŭ vieraśni sudździa Julija Šyłava vyrašyła, što praces projdzie ŭ zakrytym režymie — z Centra «E» ŭ sud pastupiŭ list ab «pravakacyjach», jakija nibyta rychtavaŭ FBK. Jak prakuratura dakazvała vinu advakataŭ Navalnaha, dakładna nieviadoma; žurnalisty nie zmahli pačuć navat apošnija słovy abvinavačanych.
Viadoma tolki, što Vadzimu Kobzievu abvinavačvańnie zapytała 5 hadoŭ i 11 miesiacaŭ pazbaŭleńnia voli, Alaksieju Lipcaru — 5 hadoŭ i 10 miesiacaŭ źniavoleńnia, a Iharu Sierhuninu — 5 hadoŭ i 6 miesiacaŭ kałonii.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała22
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
V našiem kołchozie im by po 15 vpajali. Kriepostnoje pravo nikto nie otmieniał.