Samy hnutki sienatar ZŠA paśla krytyki Trampam rasijskich udaraŭ pa Ukrainie nahadaŭ pra dadatkovyja sankcyi suprać RF
Amierykanski sienatar-respublikaniec Lindsi Hrem nahadaŭ ab svaim zakonaprajekcie, jaki praduhledžvaje ŭviadzieńnie druhasnych pošlin na impart nafty, hazu, uranu i inšych praduktaŭ z Rasii, piša «Jeŭrapiejskaja praŭda».
Kamientaryj Hrema źjaviŭsia na fonie taho, jak prezident ZŠA Donald Tramp raskrytykavaŭ apošnija ŭdary RF pa hramadzianskich haradach Ukrainy i vykazaŭ sumnieńnie, što haspadar Kramla Uładzimir Pucin choča zaviaršyć vajnu. Jon taksama pryhraziŭ Rasii sankcyjami.
U adkaz Hrem zajaviŭ, što šanuje namahańni Trampa i jaho kamandy, jakija «pracujuć nad tym, kab sumlennym i spraviadlivym čynam pakłaści kaniec vajnie va Ukrainie, raźviazanaj varvarskim uvarvańniem Pucina».
«Što da dadatkovych sankcyj u dačynieńni da pucinskaj Rasii, ja pradstaviŭ zakonaprajekt, padtrymany amal 60 členami abiedźviuch partyj, jaki praduhledžvaje ŭviadzieńnie druhasnych pošlin na impart nafty, hazu, uranu i inšych praduktaŭ z Rasii», — adznačyŭ jon.
Pavodle słoŭ Hrema, Sienat «hatovy ruchacca ŭ hetym napramku i zrobić heta pieravažnaj bolšaściu hałasoŭ, kali Rasija nie prymie sumlenny, spraviadlivy i tryvały mir».
Pierad pachavańniem Papy 26 krasavika adbyłasia sustreča prezidenta Ukrainy Uładzimira Zialenskaha i jaho amierykanskaha kalehi Donalda Trampa. Sustreča adbyłasia na fonie cisku ZŠA na Kijeŭ u sprobach pakłaści kaniec vajnie RF suprać Ukrainy.
Sienatar Lindsi Hrem ad respublikancaŭ raniej zajmaŭ vyrazna praŭkrainskuju pazicyju, ale paśla prychodu Trampa staŭ krytykavać kiraŭnictva Ukrainy. Paśla kanfliktu ŭ Biełym domie pamiž Zialenskim i Trampam Hrem zajaviŭ, što nie viedaje, ci zmoža administracyja Trampa «znoŭ mieć spravu ź Zialenskim» i zaklikaŭ kiraŭnika Ukrainy pajści ŭ adstaŭku. Za takuju chutkuju źmienu rytoryki Hrema ŭ ŚMI nazvali samym hnutkim sienataram.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary