Rybakoŭ: Biełaruś i ZŠA abmiarkoŭvajuć mahčymaść poŭnaj narmalizacyi adnosin
Valancin Rybakoŭ, udzielnik pieramoŭ Łukašenki z Kiełaham, spadziajecca, što krainy abmianiajucca vizitami i adnoviać pracu pasolstvaŭ u poŭnym abjomie.
Pra heta pastajanny pradstaŭnik Biełarusi pry AAN Valancin Rybakoŭ paviedamiŭ, kamientujučy vyniki sustrečy Alaksandra Łukašenki sa śpiecyjalnym pasłańnikam Prezidenta ZŠA Kitam Kiełaham, pieradaje BiełTA.
«Viadoma, u pieršuju čarhu abmiarkoŭvajucca pytańni kančatkovaj narmalizacyi dvuchbakovych adnosin — poŭnaja narmalizacyja z adnaŭleńniem u poŭnym abjomie pracy pasolstvaŭ u abiedźviuch krainach, abmien vizitami i hetak dalej».
Pavodle Rybakova, administracyja ZŠA ŭśviedamlaje rolu Biełarusi ŭ rehijanalnaj palitycy:
«Administracyja ZŠA ŭśviedamlaje miesca i rolu Biełarusi ŭ rehijanalnaj situacyi».
Siarod pryjarytetnych dla Biełarusi pytańniaŭ zastajecca tema sankcyj:
«My pastajanna heta padkreślivajem — sankcyi, jakija źjaŭlajucca absalutna niezakonnymi. Heta adnabakovyja miery, pryniatyja z parušeńniem usich normaŭ mižnarodnaha prava. Hetaje pytańnie abmiarkoŭvajecca, i my sprabujem znajści niejkija raźviazki, niejkija rašeńni».
Nahadajem, što ŭ piatnicu śpiecyjalny pradstaŭnik prezidenta ZŠA Kit Kiełah pravioŭ u Minsku pieramovy z Alaksandram Łukašenkam, vynikam jakich stała vyzvaleńnie 14 palityčnych źniavolenych, u tym liku Siarhieja Cichanoŭskaha.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami26
Kamientary
Navošta heta było rabić? ;)