Vydaviec Raman Cymbieraŭ zapačatkavaŭ novuju sieryju knih dla dziaciej — «Vietračok». Pieršaj vyjšła kazka Hienadzia Buraŭkina «Zaj i jabłyńka». Taksama ŭžo dastupnyja knihi dla dziaciej ad Andreja Fiedarenki i Andreja Nalivy, piša Bellit.info.
Vieršavanaja kazka viadomaha paeta, aŭtara słoŭ znakamitaj «Kałychanki» (Doŭhi dzień…) Hienadzia Buraŭkina (1936—2014) vučyć maleńkich čytačoŭ asnovam dabryni i spahady. Ilustracyi Valeryi Viłkinaj.
Taksama ŭ miežach sieryi vyjšła historyja pra pryhody Vožyka i jahonych siabroŭ ad Andreja Nalivy «Advažnyja vandroŭniki», jakuju prailustravała Maryna Rudčyk. U hetym čaroŭnym śviecie lasnyja žyvioły siabrujuć z čałaviekam i majuć ź im ahulnyja zabavy i kłopaty — zajmalnyja i viasiołyja.
Treciaj u sieryi stała «Padsłuchanaja kazka» Andreja Fiedarenki ź ilustracyjami Kaciaryny Jafremavaj.
Vydańni sieryi «Vietračok» užo moža nabyć u «Akademičnaj knizie», u kramie ŭ HC «Kupałaŭski» pad Kastryčnickaj płoščaj (ralety 41-42, čas pracy z pn pa pt z 11 da 18.30, sb z 11 da 17, ndz z 11 da 16), a taksama praz sajt Kniger.by.
-
U Hrodnie vyrašajuć, jak adnavić Kałožu, kab jaje nie admovilisia ŭziać u śpis JUNIESKA
-
Takoha dziciačaha sadka vy jašče nie bačyli. Jaho sprajektavaŭ łaŭreat «architekturnaha Nobiela»
-
Stračvała prytomnaść ad hoładu, zarablała na žyćcio masažam — zachaplalnyja fakty ź bijahrafii Ałaizy Paškievič, jakoj siońnia 150 hadoŭ
Były ministr kultury Rusłan Čarniecki znajšoŭ sabie padpracoŭku9
Kamientary