Śviatłana Cichanoŭskaja raskazała, čamu nie pravieryła źmiest kanvierta ad Paŭlučenki pa pryjeździe ŭ Litvu
U niadaŭnim prapahandysckim siužecie ANT raskazali pra pakunak z hrašyma, jaki kiraŭnik AAC Andrej Paŭlučenka ŭručyŭ Śviatłanie Cichanoŭskaj pierad adjezdam ź Biełarusi. Na kanfierencyi «Novaja Biełaruś» u Varšavie jana prakamientavała, čamu na praciahu piaci hod nie praviarała, što znachodzicca ŭ skrutku.
Cichanoŭskaja adznačyła, što pa pryjeździe ŭ Litvu adkłała hety pakunak «jak niešta hidkaje» i nie chacieła da jaho dakranacca. Raspaviadać pra toje, što adbyłosia, joj nie chaciełasia, i ciapier jana ličyć heta «svaim asabistym soramam».
Na pytańnie, ci nie było heta niebiaśpiečna — zachoŭvać pobač z saboj kanviert ad dziaržaŭnaha čynoŭnika, nie viedajučy, što ŭ im — Cichanoŭskaja adkazała:
«Niejak ja nie staviła heta pytańnie. Ja pryjechała ŭ Litvu i ŭ mianie nie było navat žadańnia ŭ niekaha parady pytać, što z hetym rabić. Adkłała i ŭsio. Zaharnuła ŭ pakiecik — jon da hetaj pary tak i lažyć», — skazała jana.
Što tady ŭ kvatery Paŭlučenka zdymaŭ jaje na kamieru, Cichanoŭskaja nie bačyła. Jana miarkuje, što i huk moh być nakładzieny potym, bo jana nie pamiataje, kab Paŭlučenka pry joj kazaŭ «voś hrošy, jakija vy prasili».
6 žniŭnia pa ANT pakazali siužet, zhodna ź jakim 10 žniŭnia 2020 hoda Andrej Paŭlučenka, načalnik AAC, pieradaŭ Śviatłanie Cichanoŭskaj skrutak z hrašym i pravodziŭ jaje i kiraŭnicu jaje štaba Maryju Maroz da litoŭskaj miažy. Sama Cichanoŭskaja zajaviła, što z tych časoŭ kanviert ad čynoŭnika nie adkryvała.
Maroz adznačyła, što Paŭlučenka supravadžaŭ ich da miažy, kab być hety čas «žyvym ščytam» dla ich biaśpieki.
Cichanoŭskaja: Nijakich hrošaj ja nie prasiła, mnie prosta ŭsunuli hety kanviert. Jaho da siońnia nie raśpiačatvała
«Kanviert dla Cichanoŭskaj». Hienii-łukašysty znoŭ sami siabie vykryli i vyściebali
Na ANT pakazali kadry, na jakich Andrej Paŭlučenka pieradaje niejki skrutak Cichanoŭskaj
Što viadoma pra Paŭlučenku, jaki ŭ 2020 hodzie pieradaŭ Cichanoŭskaj skrutak z hrašyma i supravadziŭ da miažy?
Jon byŭ jak žyvy ščyt. Maryja Maroz raskazała, čamu jany ź Cichanoŭskaj patrabavali, kab ź imi da miažy jechaŭ kiraŭnik AAC Paŭlučenka
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB35
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary