Tramp skazaŭ Zialenskamu i jeŭrapiejcam, što nie budzie abmiarkoŭvać z Pucinym pytańnie terytoryj
U niekatorych ź jeŭrapiejskich lidaraŭ skłałasia ŭražańnie, što Tramp nie adčuvaje aptymizmu adnosna vynikaŭ jaho sustrečy z Pucinym
Prezident ZŠA Donald Tramp skazaŭ prezidentu Ukrainy Uładzimiru Zialenskamu i jeŭrapiejskim lidaram padčas anłajn-samitu ŭ sieradu, što nie źbirajecca abmiarkoŭvać z rasijskim lidaram Uładzimiram Pucinym dzialbu ŭkrainskich terytoryj, a tolki maje namier damahacca spynieńnia ahniu. Pra heta sa spasyłkaj na ananimnyja krynicy paviedamiŭ amierykanski telekanał NBC News.
Jak pieradaje NBC News, dźvie jeŭrapiejskija aficyjnyja asoby i jašče «dźvie asoby, prainfarmavanyja pra razmovu», śćviardžajuć, što Tramp i jeŭrapiejcy damovilisia, što mirnyja pieramovy možna budzie pačynać tolki paśla taho, jak budzie ŭstanoŭlena pieramirje.
«U niekatorych ź jeŭrapiejskich lidaraŭ skłałasia ŭražańnie, što Tramp nie adčuvaje aptymizmu adnosna vynikaŭ jaho sustrečy z Pucinym», — pierakazvaje NBC słovy svaich surazmoŭcaŭ.
Pavodle źviestak hetych surazmoŭcaŭ, usie ŭdzielniki razmovy pahadzilisia, što ŭmovy miru nielha abmiarkoŭvać za śpinaj Ukrainy.
Akramia taho, usie jeŭrapiejskija ŭdzielniki miarkujuć, što kali Pucin nie pahodzicca spynić ahoń, to Tramp, chutčej za ŭsio, uviadzie novyja sankcyi suprać Rasii.
Tramp choča prapanavać Pucinu za spynieńnie vajny redkaziamielnyja minierały
Tramp pahražaje Pucinu «surjoznymi nastupstvami», kali toj admovicca spynić vajnu paśla samitu na Alascy
U rasijskim MZS patłumačyli, ź jakoj pazicyjaj Pucin pajedzie na Alasku
ZŠA pracujuć nad miescam sustrečy Trampa, Pucina i Zialenskaha ŭ kancy nastupnaha tydnia
Pryjarytet — spynieńnie ahniu. Zialenski i jeŭrapiejskija lidary parazmaŭlali z Trampam
Kamientary
- CHZU
- Heta što?
- Chutčej Za Usio