Kiraŭnika daśledčaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»
43-hadovaha Jaŭhiena Kraśnianskaha pryznali vinavatym u zdradzie dziaržavie (častka 1 art. 356 KK) i ŭchileńni ad vypłaty strachavych unioskaŭ (častka 1 art. 243-3 KK), piša «Viasna». U realnaści takija spravy ciapier najčaściej majuć palityčny charaktar.
8 žniŭnia Minski haradski sud razhledzieŭ spravu suprać kiraŭnika markietynhavaj kampanii Satio Jaŭhiena Kraśnianskaha. Akramia pazbaŭleńnia voli va ŭmovach uzmocnienaha režymu, jamu naznačyli 25 tysiač rubloŭ štrafu.
Raniej Śledčy kamitet paviedamlaŭ, što mužčyna padrychtavaŭ dla adnoj z zamiežnych arhanizacyj daśledavańnie, jakoje ŭtrymlivaje «zahadzia iłžyvyja źviestki pra palityku krainy ŭ halinie achovy zdaroŭja ŭ častcy prymanych mier pa baraćbie z karanavirusnaj infiekcyjaj».
Śćviardžałasia, što sacyjałahičny analiz rabiŭsia kampanijaj, jakaja nie mieła akredytacyi ŭ Biełarusi, i jaho vyniki byli «anhažavany i adpaviedny zapytam zakazčyka».
Viadoma, što razam ź Jaŭhienam Kraśnianskim byli zatrymanyja dźvie žančyny: minčanki 37 i 43 hadoŭ. Jany nibyta pravodzili sacyjałahičnaje daśledavańnie pra najaŭnaść pieravah siarod hramadzian u raźvićci krainy z dapamohaj intehracyi z krainami Jeŭrapiejskaha sajuza.
Kab pryjści da pažadanaha vyniku, žančyny nibyta apytvali tych, chto maje «zahadzia niehatyŭnaje staŭleńnie da najaŭnaj u dziaržavie palityčnaj sistemy i kanstytucyjnaha ładu». Prysudy žančynam nieviadomyja.
Satio — biełaruskaja daśledčaja kampanija, jakija pracavała bolš za 20 hadoŭ i pravodziła markietynhavyja daśledavańni. U 2016 hodzie kampanija razam z konkursam «Brend hoda» była pradadzienaja mižnarodnamu chołdynhu Civitta. Kiraŭnictva chołdynhu tady abiacała zachavać i kampaniju, i konkurs.
U lipieni 2024 hoda kampanija vyrašyła zakryć svoj biełaruski ofis i pajšła ŭ likvidacyju, a miesiac tamu stała viadoma, što jana syšła ŭ bankructva, pryčym jaje doŭh pierad kredytorami pieravyšaje 1 młn rubloŭ, pisaŭ Office Life. Imavierna, hetaja likvidacyja stała vynikam palityčnaha pieraśledu.
Udakładnieńnie. U pačatkovaj viersii artykuła pamyłkova pisałasia, što Satio — biełaruskaja markietynhavaja kampanija.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami26
Kamientary