Nastaŭnikam u škołach zabaranili karystacca mabilnymi telefonami padčas urokaŭ
Pieršapačatkova zabarona była nakiravana vyklučna na vučniaŭ, a ciapier zakranuła i piedahohaŭ: z 1 vieraśnia im zabaroniena vykarystoŭvać hadžety padčas urokaŭ.
«Vykarystańnie piedahahičnymi rabotnikami ŭstanovy ahulnaj siaredniaj adukacyi pryład mabilnaj suviazi (internet-suviazi) u chodzie adukacyjnaha pracesu nie dapuskajecca, za vyklučeńniem vypadkaŭ uźniknieńnia pahrozy žyćciu abo zdaroŭju navučencaŭ, rabotnikaŭ, inšych ekstrannych vypadkaŭ», — havorycca ŭ pastanovie Ministerstva adukacyi, apublikavanaj na resursie pravo.by.
Akramia taho, dakumient nahadvaje pra poŭnuju zabaronu na vykarystańnie hadžetaŭ vučniami. Pry hetym jość adna vyklučeńnie — školniki mohuć karystacca mabilnymi z-za niezdavalniajučaha stanu zdaroŭja. Naprykład, dla manitorynhu cukru ŭ kryvi pry cukrovym dyjabiecie. U asobnych vypadkach vykarystańnie telefonaŭ moža dazvolić dziažurny administratar škoły.
Kamientary