Na amierykanskim fiestyvali Burning Man upieršyniu zładzili biełaruski łahier
Biełarusy nie pieršy raz udzielničajuć u Burning Man, ale ŭłasny łahier u pustyni Błek Rok paŭstaŭ u pieršy raz, piša Reform.news.
«MARA, — apisvajecca łahier na aficyjnym sajcie fiestyvalu, — zaprašaje vas paznajomicca sa staražytnymi biełaruskimi mahičnymi praktykami i tradycyjami, jakija spryjajuć rytualnamu ačyščeńniu i natchniajuć na novyja pačynańni».
U jakaści mahičnych praktyk biełarusy prapanujuć paparycca ŭ tradycyjnaj łaźni, pakaštavać travianoj harbaty i pačastavacca dranikami. Dla hetaha padrychtavali namioty z pryntami ŭ styli vycinanki i admysłovy aŭtobus — Dranik-bus.
Łaźniu pryvieźli z Varšavy — heta vialiki namiot, unutry jakoha raźmiaščajecca pieč, a vieniki dla łaźni — z Ukrainy.
Mara Camp ź‘iaviŭsia dziakujučy ahienctvu Vondel Digital, zasnavanamu byłym palitviaźniem Alaksandram Vasilevičam.
Fiestyval Burning Man u ZŠA prachodzić štohod. Nasamreč arhanizatary nazyvajuć imprezu nie fiestyvalem, a ekśpierymientam, u vyniku jakoha ŭ pustyni źjaŭlajecca svojeasablivy horad, u jakim amal usio, što adbyvajecca, całkam stvarajecca jaho žycharami. U pustyni ŭstanaŭlivajucca tvory sučasnaha mastactva, časta fantastyčnych formaŭ. Niekatoryja ź ich spalvajucca stvaralnikami da zakančeńnia festu.
Kulminacyjaj fiestyvalu ź‘iaŭlajecca spalvańnie vializnaj skulptury čałavieka ŭ centry łahiera.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary