U miežach admysłovaj sieryi «Knižny ryś» vyjšaŭ z druku raman-kazka Dž. R. Tołkina «Chobit» u pierakładzie na biełaruskuju movu Franca Korzuna. Ciapier pačałasia rassyłka asobnikaŭ tym, chto papiarednie zamaŭlaŭ navinku, piša bellit.info.
Taksama kniha maje hrafičnyja ilustracyi ŭnutry, jakija zrabiła Hanna Płotnikava.»Akramia malunkaŭ da kožnaha raździeła, Hanna zrabiła bolš za 100 drobnych «zamalovak na palach», byccam sam aŭtar, pišučy tekst, nakidvaŭ vobrazy, što ŭźnikali ŭ jahonym ujaŭleńni», — raskazvajuć pra admietnaści vydańnia na staroncy «Knižny ryś».
Inicyjatary vydańnia taksama dziakujuć za kansultacyju pry stvareńni mapaŭ dy inšuju dapamohu i parady Andreju Strocavu, jaki znajecca na tołkinaŭskim suśviecie.
«Chobit» Dž. R. Tołkina staŭ treciaj hruntoŭnaj pierakładčyckaj pracaj Franca Korzuna, u čyim pierakładzie raniej vychodzili «Palijana» Elinor Ch. Poter i «Listy Kruciala» Kłajva Stejpłza Ljuisa.
Taksama nad ułasnym pierakładam «Chobita» ciapier pracuje Ihar Kulikoŭ, pierakładčyk tryłohii Dž. R. Tołkina «Vaładar piarścionkaŭ». Kniha maje pabačyć śviet u vydaviectvie «Januškievič».
-
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary