Alaksandr Łukašenka paviedamiŭ, što Aman vydzialaje Biełarusi ziamielny ŭčastak dla stvareńnia turystyčnaha kłastara. Pra heta jon raskazaŭ padčas abmierkavańnia kadravych pryznačeńniaŭ.
Na ŭźbiarežžy Amana. Fota: Wikimedia Commons
Jak śćviardžaje Łukašenka, u Amanie Biełaruś zmoža stvaryć ułasny bujny turystyčny centr.
«Ziamlu nam vydzialajuć, kab my tam stvaryli svoj vielizarny turystyčny kłastar. Kab ludzi mahli lotać nie tolki ŭ Turcyju i Emiraty. Heta ž litaralna hadzinu [bolš, čym u AAE] — i ty tam, u akijanie. Adkryty akijan. Voś, kali łaska, prychodźcie, pracujcie, dźviery adčynienyja. Ale treba iści, treba iści!», — zachaplaŭsia palityk.
Jon padkreśliŭ, što Aman hatovy da šyrokaha supracoŭnictva: biełaruskim kampanijam prapanujuć mahčymaści ŭ partach i na zavodach, u tym liku dla vytvorčaści i ekspartu kalijnych uhnajeńniaŭ.
Akramia taho, amanski bok płanuje ŭdzielničać u bujnych prajektach i na terytoryi Biełarusi. Adzin ź ich — budaŭnictva celułozna-kardonnaha kambinata. Miemarandum ab hetym byŭ padpisany 6 kastryčnika paśla pieramoŭ u Minsku pamiž Łukašenkam i sułtanam Amana.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary
A što naŭzamien, celułozna-kardonny kambinat, słynny abjekt zabrudžvańnia navakolla, jaki da taho ž patrabuje draŭninu(lasy)... Rabicie vysnovy.