Na Kamaroŭcy poŭnym chodam idzie handal. Šerahi łomiacca ad roznaj harodniny i sadaviny. Praŭda, ahurki biełaruskija zakančvajucca. A ceny na ich prosta šakujuć.
Žurnalisty Tochka.by znajšli ahurki pa 25 rubloŭ.
Pobač jość trochu tańniej — za vosiem. Na pytańnie, čamu ahurki stolki kaštujuć, pradaviec adkazała, što hety ŭradžaj užo apošni. «Jany svaje, chatnija. My aciaplajem ciaplicu kožny dzień, chałaodna ŭžo», — patłumačyła žančyna.
Darečy, na Kamaroŭcy ŭ inšych pradaŭcoŭ ahurki pakul nie zakančvajucca. Jość i pa 5,99 za 1 kh. Prahulvajučysia pamiž šerahi možna pabačyć prapanovy za Br7,5 i Br12,5.
A voś kiło salonych chrumstkich ahurkoŭ možna nabyć za Br7—16.
Roznyja vidy bakłažanaŭ kaštujuć pa Br45 za 1 kh. Salonyja ahurki pradajucca pa Br15—20, kvašanaja kapusta — pa Br12—15, karejskaja morkva — pa Br15, marynavany časnyk — pa Br25.
Na salonyja hryby ceny ŭvohule laciać u kosmas. Apieńki i hruzdy čornyja — Br60 za kiło, maślaki — Br70, hruzdy i ryžyki — Br100, baraviki — Br120.
Były ministr kultury Rusłan Čarniecki znajšoŭ sabie padpracoŭku9
Kamientary
maślonok (hrib) = maślak , -ka , kaźlak , -ka