Ci vierać ludzi, što Pratasievič — ahient raźviedki? Voś reakcyi ŭ sacsietkach
Dniami Łukašenka zajaviŭ, što Raman Pratasievič — daŭni ahient biełaruskaj raźviedki. Toj, u svaju čarhu, paćvierdziŭ hetyja słovy. Sacsietki ŭskałychnuła abmierkavańnie.
Bolšaść kamientataraŭ vykazvajuć krajni skiepsis, ličačy hetuju zajavu kačkaj, a pryznańnie Pratasieviča vymušanym. Ale nievialikaja kolkaść sprabuje znajści racyjanalnaje tłumačeńnie.
«Raźviedčyk nikoli siabie nie vydaje»
Najbolš łajkaŭ (zvyš 300) nabrała zaŭvaha:
«Nu dla kaho hety cyrk?!»
Na druhim miescy (zvyš 270) mierkavańnie ab tym, što
«Raźviedka nikoli siabie nie vydaje».
Ale z aŭtaram nie pahadžajucca i sprabujuć znajści racyjanalnaje ŭ słovach Łukašenki i Pratasieviča.
U turmie navošta siadzieŭ?
Na trecim miescy (zvyš 250 łajkaŭ) pytańnie «A ŭ turmie navošta siadzieŭ?»
Jamu žartam adkazvajuć: «Vyvučaŭ sistemu znutry», «A ŭ turmie jon siadzieŭ, kab nichto nie zdahadaŭsia»
Navošta takaja zajava?
Karystalniki vysoŭvajuć teoryi, navošta zroblena takaja zajava:
«Sprabuje apraŭdać zachop zamiežnaha samalota i vykradańnie ź jaho čałavieka. Durnota»
«Heta śpiecyjalna, kab i na Cichanoŭskaha padumali».
Niekatoryja sprabujuć žartam źviazać «ahienta» i «zvarščyka»
«Čamu raźviedčyk Pratasievič zvarščykam pracuje, rychtujuć da novaha zadańnia?»
«A kali zvarščykam pracavaŭ, dyk heta jon kvalifikacyju pavyšaŭ ci heta jaho nastupnaje zadańnie było?»
«Łukašenka i praŭda — paniaćci niesumiaščalnyja»
«Vučyŭsia ź im [Pratasievičam] u adnoj škole, byŭ na kłas starejšy za mianie, dyk jon jašče školnikam na Administracyi prezidenta paviesiŭ BČB ściah) a heta było ŭ 2011—2012 hodzie. Tyja, chto asabista Romu viedaje, nikoli nie pavierać u hetuju kazku» — davodzić čałaviek.
Istotnaja kolkaść kamientataraŭ ličyć, što Łukašenka — nie toj čałaviek, słovam jakoha možna vieryć:
«Łukašenka i praŭda — paniaćci nie sumiaščalnyja», «Prep**dzient», «Baćka, viadoma, niadrenny, ale tut zahnuŭ», «Łukašenka i praŭda?»
«Nu, chłusy, nie nadakučyła vydumlać i atrymlivać judavy hrošy…», «Łukašenka chłusić na chadu. Chiba možna vieryć hetamu Łukašenku?»
Inšyja dadajuć:
«Na kaho heta raźličana, na BT-šnych hledačoŭ?», «Nu, kali jon ahient, to ja manhoł))))», «Aha, pajechaŭ na novaje zadańnie», «Poŭnaja łuchta», «Boža, jakaja łuchta! Kamu na… patrebny hety Pratasievič?!»
«Kaniec, jon roli mianiaje: to ŭciakač, to ekstremist, zdradnik radzimy i ŭžo ahient, voś jak», «Nie vieru. Kolki možna chłusić. I kali za svaje słovy adkazvać buduć», «Rahaču nie mahu, oto ž mnie «ahient raźviedki!»
«Demiencyja»
Niekatoryja bačać u słovach Łukašenki prykmiety prablem sa zdaroŭjem. Inšyja prapanujuć:
«Premiju Darvina abodvum», «Ja dumaju, možna jašče skazać, što jon Čałaviek-pavuk».
Navošta?
Niechta davodzić, što svajoju zajavaj Łukašenka rychtuje čarhovy infarmacyjny ŭkid:
«Łukaš užo šlapu niejkuju źbiraje»
Inšyja dziviacca: kali heta praŭda, to navošta tady patrebna była ŭsia apieracyja z pasadkaj samalota i nastupnym asudžeńniem?
«A jaki sens tady pasadki samalota?»
«Vychodzić, nievinavatuju dziaŭčynu prosta tak pasadzili»
Asobnyja vykazvajuć mierkavańnie: kali heta praŭda, to navošta było «vyvodzić ahienta:
«I siadzieŭ jon nie ŭ SIZA»
Tych, chto ŭ heta vieryć, mizernaja kolkaść:
«Z Pratasieviča źniali sudzimaść i vyklučyli sa śpisu ekstremistaŭ. Heta pra niešta kaža? Kaho jašče z palitviaźniaŭ tak pamiłavali?! I siadzieŭ jon nie ŭ SIZA, a byŭ pad chatnim aryštam», — davodzić niechta.
«Uvohule čakana. Ja na 100% byŭ upeŭnieny ź pieršych dzion», — zaŭvažaje jašče adzin.
«Pratasievič skaža ŭsio, što jamu zahadajuć»
U niekatorych novyja vykazvańni Łukašenki vyklikajuć zaniepakojenaść adnosna dalejšaha raźvićcia padziej. Što jašče moža adbycca ŭ krainie?
«Mnie strašna ŭjavić, što budzie hadoŭ praz 10, tamu što kali b mnie skazali 10 hadoŭ tamu, što budzie ciapier, ja b raśśmiajaŭsia ŭ tvar. A ciapier uvohule nie da śmiechu».
Ludzi davodziać:
«Pratasievič skaža ŭsio, što jamu zahadajuć», «A jak jon moža heta admaŭlać?», «Voś cyrk, jon ciapier usio što zaŭhodna paćvierdzić!»
Inšyja, kab pakazać absurdnaść situacyi, kali ŭ Pratasieviča niama inšaha vyjścia, akramia jak paćvierdzić słovy dyktatara, pišuć:
«Ja na ŭsialaki vypadak taksama paćviardžaju ŭsie słovy prezidenta»
Były ministr kultury Rusłan Čarniecki znajšoŭ sabie padpracoŭku9
Kamientary
[Zredahavana]