Za padpisku na kanały treš-błohiera Mełstroja ciapier buduć karać
Pa inicyjatyvie HUBAZiK MUS sud Centralnaha rajona Minska 4 listapada 2025 hoda pryznaŭ usie kanały Mellstroy na roznych płatformach, a taksama jaho łahatyp i vadzianyja znaki «ekstremisckimi materyjałami», paviedamiła pres-słužba Ministerstva ŭnutranych spraŭ.
Siłaviki paviedamili, što ŭ kastryčniku na terytoryi Biełarusi byli zafiksavanyja vypadki chulihanstva, parušeńniaŭ hramadskaha paradku i niezakonnych masavych mierapryjemstvaŭ.
Jany ličać, što da arhanizacyi hetych dziejańniaŭ moža być datyčny hramadzianin Biełarusi Andrej Burym, viadomy jak błohier Mellstroy, jaki ciapier znachodzicca za miažoj. MUS śćviardžaje, jon praź internet zaklikaŭ ludziej udzielničać u roznych «konkursach», dzie patrabavalisia supraćpraŭnyja dziejańni, a vyniki publikavalisia ŭ sietkach za ŭznaharodu.
Takija dziejańni, jak adznačajecca, traplajuć pad dziejańnie zakona «Ab supraćdziejańni ekstremizmu». MUS papiaredziła pra adkaznaść za raspaŭsiudžańnie infarmacyi i ŭdzieł u lubych akcyjach pad ehidaj Mełstroja.
Andrej Burym (Mellstroy) rodam z Homiela. Jamu 26 hadoŭ. Jon staŭ viadomy dziakujučy svaim treš-strymam. Padčas adnaho ź ich u 2020 hodzie jon źbiŭ dziaŭčynu. Paśla hetaha na Buryma była zaviedziena kryminalnaja sprava. U vyniku jon atrymaŭ paŭhoda vypraŭlenčych rabot i štraf.
Mellstroy u cełym rehularna traplaje ŭ skandalnyja naviny, dajučy svaim hledačam varjackija zadańni i abiacajučy ščodryja vypłaty za ich vykanańnie. Tym nie mienš, hetyja abiacańni nie zaŭsiody vykonvajucca.
Ciapier čytajuć
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej3
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Ja sam čitaju niezavisimyje ŚMI i jestiestvienno kriminalizacija etoho mnie nravitsia nie možiet.
"Hadziušanski haradski sud Kukujeŭskaj vobłaści skasavaŭ uhodu kupli-prodažy Alaski i abaviazaŭ ZŠA viarnuć Alasku Rasii. Pa zajavie svajakoŭ Alaksandra II uhoda pa prodažy Alaski była ździejśniena pad ciskam ekstremistaŭ-nacyjanalistaŭ praź listavańnie pa Telegram i atrymanyja hrašovyja srodki Alaksandr II adpraviŭ terarystam."