«Umovy nie stanoviacca lepšymi». Załužny adkazaŭ, čym skončycca vajna va Ukrainie
Valeryj Załužny kaža, što Kreml prosta nie bačyć dla siabie mahčymaści skončyć vajnu čymści inšym, akramia kapitulacyi Ukrainy.
Najbolš imaviernym scenarom zakančeńnia rasijska-ukrainskaj vajny budzie jaje zamarožvańnie na niekalki hadoŭ, jakija baki skarystajuć dla padrychtoŭki da novaha raŭnda vajennaha supraćstajańnia. Pra heta piša były hałoŭnakamandujučy USU, pasoł Ukrainy ŭ Vialikabrytanii Valeryj Załužny.
Jon źviarnuŭ uvahu na toje, što kožny raz umovy nie stanoviacca lepšyja dla Ukrainy, i faktyčna padtrymaŭ ideju zaklučeńnia miru biez «poŭnaj pieramohi» nad Rasijaj.
«Farmirujučy palityčnuju metu vajny, važna pamiatać, što vajna nie zaŭsiody zaviaršajecca pieramohaj adnaho boku i paražeńniem druhoha. Tak było ŭ Druhoj suśvietnaj, ale heta redkaje vyklučeńnie, bo tak amal nikoli nie byvała ŭ čałaviečaj historyi. Pieravažnaja bolšaść vojnaŭ zaviaršajecca abo ŭzajemnym paražeńniem, abo kožny ŭpeŭnieny, što pieramoh, abo inšyja varyjanty.
Takim čynam, kali my viadziom razmovu pra pieramohu, treba ščyra skazać tak: pieramoha — heta raspad Rasijskaj Impieryi, a paraza — poŭnaja akupacyja Ukrainy praź jaje raspad. Usio astatniaje — prosta praciah vajny», — napisaŭ jon.
Ukraincy, piša jon, viadoma, imknucca da poŭnaj pieramohi — raspadu Rasijskaj Impieryi. Ale nie mohuć i adprečvać varyjant doŭhaterminovaha (na hady) spynieńnia vajny, jakim kraina moža skarystacca.
«Bo mienavita heta nadta raspaŭsiudžany ŭ historyi vojnaŭ sposab ich zaviaršeńnia. Razam z tym mir, navat u čakańni nastupnaj vajny, daje šaniec na palityčnyja źmieny, na hłybokija reformy, na paŭnavartasnaje adnaŭleńnie, ekanamičny rost, viartańnie hramadzian, — piša jon. — Možna navat vieści razmovu pra pačatak farmiravańnia biaśpiečnaj, maksimalna abaronienaj dziaržavy dziakujučy inavacyjam i technałohijam. Farmiravańnie i ŭmacavańnie asnoŭ spraviadlivaj dziaržavy praz baraćbu z karupcyjaj i stvareńnie spraviadlivaha suda. Ekanamičnaje raźvićcio krainy, u pryvatnaści, na asnovie mižnarodnych ekanamičnych prahram adnaŭleńnia krainy».
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
ŭ Druhoj suśvietnaj pieramahli, bo dajšli da Bierlina i razburyli jaho i Rejchstah, a Hitler pakončyŭ z saboj.
Ukrainie ža nichto z zachodnich krain nie źbirajecca dapamahać u tym, kab dajści da Maskvy, razburyć jaje i Kreml.
Jesť voobŝie v Ukrainie ludi kotoryje nie vorojut i nie chotiat raspada RF? I možiet oni nie vkursie pro jadiernoje oružije v RF?
Ili chotia by nie hovoriat eto publično.
Čto tiepieŕ RF dołžna otajetiť na eti słova?