Biełaruski aburanyja: Luxvisage vypuściŭ advent-kalandar, ale nabyć jaho ŭ Biełarusi nielha — tolki zamović z Rasii
U biełaruskich kramach advent-kalandar ajčynnaha vytvorcy nie pradajecca. Na «Vajłdberyz» jon kaštuje kala 560 rubloŭ — u Rasii ŭ dva razy taniej.
Druhi hod zapar biełaruski brend kaśmietyki Luxvisage traplaje ŭ skandał sa svaim advent-kalendarom. Letaś biełaruski aburalisia niestandartnaj kolkaściu akiencaŭ (ich było ŭsiaho 12, a nie 24-25, jak pryniata), a taksama tym, što paasobku ŭsie «padarunki» adventa kaštavali ŭ dva razy mienš, čym sam advent. Darečy, u Biełarusi jon nie pradavaŭsia — treba było zamaŭlać praz «Vajłdberyz».
Sioleta Luxvisage vypuściŭ pryhožy padarunkavy nabor kaśmietyki ŭ vyhladzie karusieli. Ale kolkaść ich abmiežavanaja —častku padaryli biełaruskim błohierkam, častku (50 štuk) razyhryvajuć siarod padpisčykaŭ. A voś nabyć nielha.
Biełaruski znajšli ŭ prodažy inšy kalandar brendu — praŭda, u kramach «Załatoha jabłyku» ŭ Rasii. Cana na jaho ad 215 da 240 biełaruskich rubloŭ. Sietka kramaŭ «Załaty jabłyk» jość i ŭ Biełarusi, ale tam kalandar nie pradajuć.
Zatoje jaho znajšli na «Vajłdberyz» — ažno za 560 rubloŭ.
My vyrašyli padličyć košt tych 12 kaśmietyčnych praduktaŭ, jakija schavanyja ŭ advent-kalendary Luxvisage (tym, što pradajecca ŭ Rasii). Atrymałasia ŭsiaho kala 135 rubloŭ.
Vytvorca prakamientavaŭ situacyju «Anłajnieru»: kažuć, pryhožy advent-kalandar u vyhladzie karusieli raspracoŭvali śpiecyjalna dla rozyhryšu ŭ Biełarusi. A dla rasijskaha «Załatoha jabłyku» na zamovu rabili inšy. Ci budzie hety advent-kalandar pradavacca ŭ biełaruskich kramach hetaj sietki, pradstaŭnik Luxvisage nie zmoh adkazać.
Ci budzie kampanija ŭ budučyni vypuskać advent-kalendary dla ŭnutranaha rynku — taksama nieviadoma:
«Jany pradavalisia ŭ minułym i pazaminułym hadach, ažyjatažu ŭ prodažach nie nazirałasia. Mahčyma, my padumajem nad jaho prodažam u nastupnym hodzie», — patłumačyŭ brend.
Letaś adventy ad Luxvisage pradavalisia tolki na «Vajłdberyz».
Pakolki praca nad advent-kalendarami pačynajecca ŭžo viasnoj, možna dakładna skazać: sioleta biełaruski taki nie atrymajuć.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary