«Dobryja naviny ŭ najbližejšyja tydni»: Vens zaintryhavaŭ zajavaj adnosna vajny va Ukrainie.
«O, čuvak. Pasłuchajcie, rasijska-ŭkrainskija adnosiny byli krynicaj pastajannaha rasčaravańnia, ja dumaju, dla ŭsiaho Biełaha doma», — zajaviŭ vice-prezident ZŠA.
Vice-prezident ZŠA Džej Dzi Vens vykazaŭ spadziavańnie, što ŭ najbližejšyja niekalki tydniaŭ adnosna pytańnia zakančeńnia vajny RF suprać Ukrainy buduć «dobryja naviny», — piša RBK-Ukraina.
Padčas razmovy žurnalisty spytali, što najbolš jaho zasmučaje na pasadzie vice-prezidenta ZŠA. U adkaz Vens skazaŭ, što jamu pakul nie ŭdałosia zaklučyć damovu, jakaja b pakłała kaniec vajnie RF suprać Ukrainy.
«O, čuvak. Pasłuchajcie, rasijska-ŭkrainskija adnosiny byli krynicaj pastajannaha rasčaravańnia, ja dumaju, dla ŭsiaho Biełaha doma», — zajaviŭ vice-prezident. Jon adznačyŭ, što ŭ Biełym domie sapraŭdy dumali, dy i sam prezident ZŠA Donald Tramp kazaŭ nieadnarazova, što heta budzie samaja lohkaja vajna dla vyrašeńnia.
«I kali b vy, viedajecie, skazali, što mir na Blizkim Uschodzie lahčej dasiahnuć, čym mir va Uschodniaj Jeŭropie, ja b skazaŭ, što vy zvarjacieli», — dadaŭ Vens.
Adnačasova čynoŭnik zachoŭvaje aptymizm i čakaje «dobryja naviny» ŭžo ŭ najbližejšyja tydni. Jon padkreśliŭ, što situacyja pakul nie kala finišu, ale prahres jość.
«Ja sapraŭdy liču, što my dasiahnuli vialikaha prahresu, ale pakul što nie dasiahnuli finišnaj miažy. Nadzieja jość, i, spadziajusia, u najbližejšyja niekalki tydniaŭ źjaviacca dobryja naviny na hetym froncie», — reziumavaŭ Džej Dzi Vens.
-
U druz. Źjaviłasia fota nastupstvaŭ udaru «Fłaminha» pa zavodzie ŭ Vałhahradzie, dzie mohuć vyrablać «Arešnik»
-
Rasijski vajskoviec, jaki vajavaŭ va Ukrainie, zapisaŭ zvarot da Pucina i papiaredziŭ pra miaciež. Jaho aryštavali
-
Ukrainski vajskoviec: Scenaryj 2022 hoda, kali išli kałony ź Biełarusi, ciapier nierealistyčny
Kamientary