Bialacki pra mahčymyja pieramovy: Razmaŭlać prychodzicca i z bandytami
U intervju LRT nobieleŭski łaŭreat Aleś Bialacki, što vyjšaŭ na volu ŭ minułuju subotu, adkazaŭ na pytańnie, ci zaŭsiody pieramovy ź biełaruskim režymam abo ź lubym inšym režymam nakont vyzvaleńnia palityčnych źniavolenych źjaŭlajucca kampramisam z maralnymi kaštoŭnaściami, ci časam heta adzinaja mahčymaść vyratavać čałaviečyja žyćci.
«Nu, razmaŭlać davodzicca i z bandytami. Kali vyzvalajuć zakładnikaŭ, vy viadziecie pieramovy ź piratami, bandytami i tymi, chto ŭtrymlivaje ludziej u pałonie. Treba razumieć, što z takimi ludźmi varta vykarystoŭvać adpaviednyja instrumienty i razmaŭlać na zrazumiełaj dla ich movie, bo, na maju dumku, ciapierašniaja ŭłada ŭ Biełarusi nie razumieje nijakaj narmalnaj čałaviečaj movy, nie razumieje narmalnych čałaviečych adnosinaŭ», — miarkuje Aleś Bialacki.
«Jany robiać usio, kab utrymacca pry ŭładzie. I palityčnyja źniavolenyja dla ich — heta ŭmova zachavańnia hetaj ułady. Takim čynam jany niejtralizujuć svaich praciŭnikaŭ. Jany chapajuć ludziej ź inšym mierkavańniem. Jany pašyrajuć represii suprać pradstaŭnikoŭ biełaruskaj kultury i tych, chto razmaŭlaje pa-biełarusku. Idzie vajna suprać usiaho biełaruskaha, suprać samoj Biełarusi. Pa sutnaści, heta antybiełaruski režym, jaki dziejničaje suprać ułasnaha naroda vyklučna dziela zachavańnia svajoj ułady.
Treba razumieć, što ich niemahčyma źmianić pryhožymi słovami ci dobrymi namierami. Jany nie źmianili svaju pazicyju. A ciapierašni praces abmienu palityčnych źniavolenych nasamreč źjaŭlajecca vymušanym. Biełaruskija ŭłady najpierš zacikaŭlenyja ŭ źniaćci ekanamičnych sankcyj. Ale jany nie zacikaŭlenyja ŭ tym, kab źmianiać situacyju da lepšaha, davać ludziam mahčymaść žyć svabodna, svabodna vykazvać svajo mierkavańnie», — miarkuje pravabaronca.
Bialacki paraŭnoŭvaje siońniašniuju situacyju ŭ Biełarusi, kali niemahčyma źjavicca na telebačańni, nie isnuje niezaležnych haziet, z savieckimi časami.
«Nie z apošnim dziesiacihodździem, a z našmat bolš rańnim pieryjadam, kali lubaja alternatyŭnaja infarmacyja i lubyja alternatyŭnyja mierkavańni ludziej padaŭlalisia. Mienavita takaja situacyja siońnia skłałasia ŭ Biełarusi. Tamu, damahajučysia vyzvaleńnia palityčnych źniavolenych, treba vielmi dobra razumieć, z kim vy majecie spravu», — zaznačaje jon.
Bialacki raskazaŭ, jak daviedaŭsia ŭ SIZA pra Nobieleŭskuju premiju
Aleś Bialacki sustreŭsia z prezidentam Litvy Naŭsiedam
Bialacki pra pieršy dzień na voli: Psichałahična ja dzieści jašče tam, ale situacyja dla mianie nie novaja
Aleś Bialacki ŭpieršyniu za try hady sustreŭsia z žonkaj VIDEA
Što raskazaŭ Aleś Bialacki adrazu paśla vyzvaleńnia
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary