Stas Michajłaŭ, Michaił Šufucinski i Nataša Karalova praśpiavali dla kiraŭnikoŭ SND u Ermitažy
Zvyčajna placoŭka Ermitažnaha teatra, jaki ŭvachodzić u muziejny kompleks, vykarystoŭvajecca dla kłasičnych tvoraŭ, ale dla kiraŭnikoŭ SND zrabili vyklučeńnie. Była i ŭlubionaja Alaksandram Łukašenkam Taisija Pavalij.
Niadaŭni niefarmalny samit lidaraŭ krain SND u Sankt-Pieciarburhu zakončyŭsia ŭračystym bankietam i kancertam u Ermitažnym teatry. Hetaja histaryčnaja placoŭka, jakaja zvyčajna prymaje kłasičnyja pastanoŭki, hetym razam stała miescam vystupu zorak rasijskaj pop-estrady pierad Uładzimiram Pucinym i jaho haściami, siarod jakich byŭ i Alaksandr Łukašenka.
Jak paviedamlaje žurnalist kramloŭskaha puła Andrej Kaleśnikaŭ, skład artystaŭ farmavaŭsia surjozna: vykanaŭcaŭ pryvieźli z Maskvy śpiecyjalnym samalotam, i, pavodle jaho słoŭ, «padbirali staranna, vypadkovych ludziej nie było».
«A sabrali najlepšych, viadoma. Takaja padzieja, što vy chočacie… Pryčym niefarmalnaja», — ščyruje Kaleśnikaŭ.
Prahrama viečara była nasyčanaja niekali šyroka viadomymi imionami: na scenie źjavilisia Stas Michajłaŭ, Michaił Šufucinski, Nataša Karalova, Ihar Nikałajeŭ, Taisija Pavaliij, Mikałaj Rastarhujeŭ.
«Desant vysadziŭsia vybitny, ščyra skažam. Vidavočna, što pa asabistych zajaŭkach hledačoŭ», — piša Kaleśnikaŭ.
Ź jahonych słoŭ, ulubionyja artysty kiraŭnikoŭ.
«Čakali i siadzieli ŭ hrymiorkach z ranicy, i šeść hadzin, potym pryznavalisia, na adnoj vadzie… Ale ad hetaha hałasy tolki zvančejšymi, zdajecca, stanavilisia».
Adkryvaŭ kancert śpiavak Shaman (Jarasłaŭ Dronaŭ), jaki, jak adznačaje Kaleśnikaŭ, pačaŭ svoj vystup ź pieśni «S čieho načinajetsia Rodina».
Akramia prezidentaŭ Rasii i Biełarusi, na viečarynie prysutničali kiraŭniki Kazachstana, Kyrhyzstana, Tadžykistana, Uźbiekistana i Armienii.
Pierad bankietam lidary paśpieli naviedać ekskursiju pa załach Ermitaža. Alaksandra Łukašenki na joj nie było (mahčyma, ciažka było chadzić), dałučyŭsia jon tolki ŭ samym kancy.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB42
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Jaki impieratar takija i śpievy
Triachniem starinoj čto-li