Łukašenka pryznačyŭ Kanstancina Byčaka kiraŭnikom Śledčaha kamiteta.
Byčak byŭ samym miedyjnym supracoŭnikam KDB, asabista lataŭ u Vjetnam, kab aryštavać kalinoŭca Vasila Vieramiejčyka. Da apošniaha momantu jon pracavaŭ načalnikam śledčaha ŭpraŭleńnia KDB.
Kanstancinu Byčaku — 40 hadoŭ. Jon naradziŭsia ŭ Haradku Viciebskaj vobłaści. Jaho baćka Fiodar Byčak pracavaŭ načalnikam finansavaha adździeła ŭ rajvykankamie i ŭvachodziŭ u rajonny Saviet deputataŭ u 2014—2018 hadach.
Kanstancin Byčak žanaty, maje syna i dačku. Žonka Darja pracavała ŭ viciebskaj paliklinicy i Minskaj abłasnoj dziciačaj kliničnaj balnicy (imavierna, na administracyjnych pasadach).
Pavodle «Biełpoła», da 2020 hoda Byčak usiaho try razy byvaŭ za miažoj: va Ukrainie ŭ 2012 hodzie, u Rasii i Hruzii ŭ 2019 hodzie.
Z baz siłavikoŭ byŭ viadomy ranh Byčaka ŭ KDB — pałkoŭnik. Apošnija hady dziaržaŭnyja ŚMI pradstaŭlali jaho jak «namieśnika načalnika Śledčaha ŭpraŭleńnia KDB». Adnak da 2021 hoda jaho pasada nazyvałasia inakš — jon byŭ načalnikam adździeła śledčaha ŭpraŭleńnia.
Paśla zatrymańnia Viktara Babaryki i inšych kiraŭnikoŭ «Biełhazprambanka» letam 2020 hoda Byčak publična ahučyŭ detali «karupcyjnaj schiemy «pamiž bankam i kampanijaj «Pryvatlizinh».
Dźmitryj Hara, jaki byŭ kiraŭnikom SK, pryznačany hienprakuroram zamiest Andreja Švieda, jaki budzie kiravać Viarchoŭnym sudom.
Kamientary
Aby nie pracavać. A zajmać ciopłyja pasady ŭ viertykali Łukašenki.
A dzie fota žonki hebista? Kab supracoŭniki paliklinik i balnic viedali, chto na ich stučyć u KDB?