U Padmaskoŭi zoaabaroncu Jaŭhieniju Kanforkinu asudzili na 15 hadoŭ kałonii pa spravie ab dziaržaŭnaj zdradzie i ŭdziele ŭ terarystyčnaj arhanizacyi. Jaje abvinavacili nibyta ŭ zdymcy viertalotnaha zavoda pa zadańni «Lehijona «Svaboda Rasii».
43‑hadovuju Kanforkinu pryznali vinavataj u sprobie ŭstupić u studzieni 2023 hoda ŭ zabaronieny ŭ Rasii «Lehijon». Prakuratura zapytvała dla jaje 18 hadoŭ kałonii, pišuć «Ostorožno, novosti».
Zhodna z abvinavačvańniem, Kanforkina z rasijskaha paštovaha adrasa nakiravała ŭ zabaronienuju ŭ Rasii arhanizacyju svaju ankietu. Paśla hetaha ź joj u telehramie źviazaŭsia pradstaŭnik «Lehijona». Letam taho ž hoda Kanforkina zapisała videazvarot da «Lehijona», abaviazałasia supracoŭničać i ŭziała pazyŭny «Afalina». Na toj momant «Lehijon» užo byŭ pryznany terarystyčnaj arhanizacyjaj.
U vieraśni Kanforkinaj nibyta daručyli sabrać infarmacyju pra toje, jak achoŭvajecca Nacyjanalny centr viertalotnabudavańnia ŭ Lubiercach pad Maskvoj. Jana zmahła źniać płot pradpryjemstva i adpraviła videa kurataram. Paśla hetaha, pa jaje słovach, joj dali zadańnie vyvučyć sakretny abjekt.
Jana admoviłasia, i kantakt z «Lehijonam» spyniŭsia. Ale praź niekalki miesiacaŭ Kanforkinu zatrymali.
U sudzie jana kazała, što pajšła na supracoŭnictva z ukrainskaj vajennaj arhanizacyjaj, bo nibyta zajmałasia vyvazam žyvioł ź niebiaśpiečnych terytoryj.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy1
Kamientary