Machavik represij u Biełarusi nie spyniajecca — pravaabaroncy padviali vyniki hodu
Pravaabaroncy padviali vyniki kryminalnaha pieraśledu ŭ Biełarusi za 2025 hod. Ličby śviedčać, što ŭłady praciahvajuć masava sudzić ludziej za pratesty i lubuju prajavu niazhody ŭ internecie, paviedamlaje «Viasna».
Za hod pa palityčnych spravach pakarali minimum 1254 čałavieki (heta vypadki, što stali viadomyja pravaabaroncam). Siarod ich 899 mužčyn (72%) i 355 žančyn (28%), a taksama 45 čałaviek piensijnaha vieku: 27 žančyn i 18 mužčyn.
Za što sudziać
Biełarusaŭ usio jašče praciahvajuć masava sudzić za ŭdzieł u akcyjach pratestu piacihadovaj daŭniny. Heta samaja papularnaja nahoda dla palityčnych sudoŭ — pa «narodnym» 342 artykule ŭ 2025 hodzie asudzili jak minimum 643 čałavieki.
Taksama raspaŭsiudžanyja dyfamacyjnyja artykuły, pa jakich sudziać za kamientary pra Łukašenku, siłavikoŭ i pradstaŭnikoŭ ułady. Tak, za «abrazu Łukašenki» (art. 368 KK) asudzili 151 čałavieka.
Nie mienš raspaŭsiudžanyja — tak zvanyja «ekstremisckija» artykuły Kryminalnaha kodeksa. Za «sadziejničańnie ekstremisckaj dziejnaści» (art. 361-4) asudzili 274 čałavieki.
Za «stvareńnie ekstremisckaha farmavańnia abo ŭdziełu im» (art. 361-1) — 102 čałavieki.
Za «finansavańnie ekstremisckaj dziejnaści» (art. 361-2) — 36 čałaviek.
Taksama sioleta niamała asudžanych biełarusaŭ za «zakliki da sankcyj» (art. 361) — 84 čałavieki.
U 2025 hodzie aktyŭna vykarystoŭvali «zavočnyja sudy». Heta kali čałavieka, jaki źjechaŭ z krainy, sudziać bieź jaho prysutnaści. Takim čynam pakarali 30 čałaviek.
Jak karajuć?
Čaściej pryznačajuć «chatniuju chimiju». Taki prysud atrymali 555 čałaviek.
U kałoniju adpravili bolš za 300 čałaviek.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Tiem boleje, čto sankcii možno śniať tolko čieriez torhovlu politzaklučionnymi.
Raz SŠA idut na takije torhi i nie vystavlajut nikakich usłovii po priekraŝieniju riepieśsii, nie vvodiat novych sankcii za rieprieśsii nasielenija, to, nado prodołžať.