«Jany isnujuć, ale ja ich nie bačyŭ»: Barak Abama znoŭ padahreŭ cikavaść da inšapłaniecian.
U niezmušanaj hutarcy ŭ padkaście No Lie ź jutub-zorkaj Brajanam Tajleram Koenam 44‑ha prezidenta Złučanych Štataŭ spytali: «Inšapłaniecianie realnyja?» Abama ŭśmichnuŭsia — i adkazaŭ: «Jany isnujuć, ale ja ich nie bačyŭ», piša Bild.
Adkul jon viedaje, što inšapłaniecianie isnujuć, kali sam ich nie bačyŭ, Abama nie patłumačyŭ.
Hetyja słovy Abamy prahučali ŭ miežach sieryi chutkich pytańniaŭ. Na nastupnaje pytańnie pra Zonu 51 jon adkazaŭ bolš kankretna i ź vidavočnaj ironijaj: «Padziemnaj bazy niama — kali tolki nie isnuje hihanckaja zmova, jakuju chavajuć navat ad prezidenta Złučanych Štataŭ».
Ale na hetym tema pazaziemnych stvareńniaŭ nie skončyłasia: Koen chacieŭ daviedacca, na jakoje pytańnie Abama zapatrabavaŭ adkazu ŭ pačatku svajho prezidenctva ŭ pieršuju čarhu. Śmiejučysia, Abama adkazaŭ: «Dzie inšapłaniecianie?»
Mif pra Zonu 51
Z 1950‑ch hadoŭ u ZŠA ŭparta cyrkulujuć čutki, što na vajskovaj bazie Zona 51 u štacie Nievada zachoŭvajucca NŁA, jakija paciarpieli krušeńnie, a taksama viaducca stroha sakretnyja daśledavańni i zvarotny techničny analiz.
Prychilniki teoryj zmovy miarkujuć, što tam jość tajnyja anhary, łabaratoryi z pazaziemnymi technałohijami i navukoŭcy, jakija pracujuć nad supierzbrojaj, telepartacyjaj i padarožžami ŭ časie.
U 2021 hodzie ŭ adnym tok-šou Abama ŭžo pryznavaŭ, što adrazu paśla ŭstupleńnia na pasadu pacikaviŭsia, ci isnuje dzie-niebudź sakretnaja łabaratoryja z pazaziemnymi abjektami. Adkaz tady byŭ adnaznačnym: nie. Adnak jon taksama paćvierdziŭ, što isnujuć videa i fatahrafii abjektaŭ u niebie, ruchi jakich nie paddajucca prostamu tłumačeńniu.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary