«Sakavityja stravy stvarajuć vajb utulnaj siamiejnaj viačery, dzie jość lubimyja smaki, vabny drajv i kryšku dziorzkaści».
Papularnaja sietka chutkaha charčavańnia KFC pra zapusk novaha mieniu ŭ biełaruskim styli aficyjna abjaviła 3 sakavika ŭ svaich sacsietkach, pryčym dla poŭnaha zahłybleńnia ŭ nacyjanalnuju atmaśfieru zrabiła heta na biełaruskaj movie, zaŭvažyŭ «Telehraf».
U novym mieniu sietki — stravy, jakija, na dumku kampanii, pavinny stvaryć «vajb utulnaj siamiejnaj viačery» ź lubimymi smakami, «pryvabnym drajvam i ščopciu dziorzkaści».
Nivodnaje biełaruskaje mieniu nie moža abyścisia biez dranikaŭ. Dadała ich u svajo mieniu i sietka KFC: za 3 chrustkija blinčyki ź piaščotnym śmiatanna-hrybnym sousam prosiać 9,9 rubla.
Inšaja biełaruskaja alternatyva dranikam — «Bulba-Boks», u jakim duchmianuju bulbu z usio tym ža śmiatanna-hrybnym sousam padajuć adrazu z 6 pikantnymi bajtsami (kavałkami kurynaha miasa). Košt takoha naboru — 12,9 rubla.
Jość u biełaruskim mieniu i zvykłyja burhiery ŭ roznych nacyjanalnych varyjacyjach pa 13,5 rubla, i kurynaja «kłasika» z padvojnaj kuračkaj zamiest zvykłaj burhiernaj bułački, i biełaruski varyjant firmiennych Boksmajstroŭ (praŭda, z usio toj ža pšaničnaj tarcillaj). Zdajecca, adzinaje adroźnieńnie asartymientu biełaruskaha mieniu — u najaŭnaści taho samaha śmiatanna-hrybnoha sousu. Nu i jašče — va ŭpakoŭcy, stylizavanaj tradycyjnym nacyjanalnym biełaruskim arnamientam, z pažadańniami smačna jeści pa-biełarusku.
A zapivać usiu hetuju kulinarnuju raznastajnaść amataram usiaho biełaruskaha KFC prapanavała asablivym žuravinavym napojem. Praŭda, jon u mieniu źjavicca krychu paźniej — z 9 sakavika.
Ciapier čytajuć
Hałoŭnaja redaktarka homielskaj rajonki pakajałasia za toje, što abvinavaciła hurt «Drazdy»7
Kamientary
Pačytajcie što heta takoje .