U Litvie zatrymali hruzavik, u jakim rasijskija numary mianialisia na litoŭskija adnym naciskańniem knopki
U Litvie na pamiežnym punkcie Miedniki zatrymali dva hruzaviki, jakija, vierahodna, vykarystoŭvalisia dla abychodu sankcyj suprać Rasii. Incydent adbyŭsia 18 sakavika padčas mytnaha kantrolu. Abodva hruzaviki marki DAF pieravozili sadavinu i harodninu ź Niderłandaŭ u Rasiju. U dakumientach značyłasia litoŭskaja kampanija, a kiroŭcami byli hramadzianie Biełarusi, paviedamlaje pres-słužba litoŭskaj mytni.
Padčas pravierki ŭ kabinach znajšli rasijskija rehistracyjnyja dakumienty na tyja samyja mašyny — z tymi ž VIN-numarami, što i ŭ hruzavikoŭ, zarehistravanych u ES. Heta vyklikała padazreńni, tamu transpart ahledzieli bolš uvažliva.
Akazałasia, što ŭ abodvuch hruzavikach ustalavanyja sistemy dla źmieny numarnych znakaŭ. U adnym vypadku była sučasnaja sistema: adnym naciskańniem knopki litoŭskija numary aŭtamatyčna źmianialisia na rasijskija. U druhim prymianiaŭsia bolš prosty miechanizm: numary źmianialisia ŭručnuju z dapamohaj mahnitnych macavańniaŭ.
Kiroŭcy nie zmahli rastłumačyć, navošta heta zroblena. Uličvajučy, što zakanadaŭstva ES zabaraniaje jeŭrapiejskim pieravozčykam pracavać u Rasii, a rasijskim — u ES, jość padazreńnie, što hetyja schiemy vykarystoŭvalisia dla abychodu sankcyj.
Taksama vyśvietliłasia, što raniej abiedźvie mašyny byli zarehistravanyja ŭ Litvie, ale paźniej pierarehistravanyja ŭ Rasii. Heta moža śviedčyć pra niezakonnuju pieradaču abo vykarystańnie transpartu.
U vyniku abodva hruzaviki zatrymali. Ich košt aceńvajecca prykładna na 12 i 50 tysiač jeŭra adpaviedna. Składzieny adpaviednyja pratakoły.
Padkreślivajecca, što heta ŭ Miednikach pieršy taki vypadak, kali vykryli padobnyja techničnyja sposaby abychodu sankcyj.
Za parušeńnie mižnarodnych sankcyj praduhledžanaja surjoznaja adkaznaść. Dla kampanij heta mohuć być vialikija štrafy — ad dziasiatkaŭ tysiač jeŭra da značnaj častki ad koštu hruzaŭ abo navat hadavoha dachodu, a taksama kanfiskacyja. Dla fizičnych asob — štrafy, a ŭ niekatorych vypadkach navat kryminalnaja adkaznaść z mahčymym pazbaŭleńniem voli da piaci hadoŭ.
Łukašenka adpuskaje litoŭskija fury
Jak biaśpiečna pieravieźci hrošy ź Biełarusi ŭ Polšču: parady ekśpierta
Biełaruski dalnabojščyk sprabavaŭ pravieźci ŭ Litvu cyharety, zapakavaŭšy ich u matrac
Litoŭskija mytniki nie dali ŭvieźci ź Biełarusi kalekcyju savieckich hrošaj. Na ich — kamunistyčnaja simvolika
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary