Vyjava Afradyty, jakaja pastupova pieraciakaje ŭ Ksieniju Sabčak, Zieŭs, jaki zdajecca padzialaje adzin tvar z hieroja komiksaŭ Chałkam... U «Halerei Ŭ» pačałasia vystava Alaksandra Niekraševiča «Bahi i hieroi».
Vyjava Afradyty, jakaja pastupova pieraciakaje ŭ Ksieniju Sabčak, Apałon, skryžavany z Hary Poteram, i Džakonda, źjadnanaja sa znakamitaj pornazorkaj Čyčalinaj…U «Halerei Ŭ» pačałasia vystava Alaksandra Niekraševiča «Bahi i hieroi».
«Bahi i hieroi» — sieryja žyvapisu, vykananaja ŭ technicy aerahrafii na aluminii i pakrytaja aŭtamabilnym łakam. Vyjavy vobrazaŭ kłasičnaha žyvapisu i novych miedyja-bahoŭ, sumiaščeńnie kłasičnaha vobraza z sučasnym. Za ciapierašnim časam kumiry šou-biźniesu ŭzvodziacca ŭ ranh sučasnych bahoŭ, a vobrazy minułaha devalvujucca ad biaskoncaj kolkaści idałaŭ novaha času. Za hetym pracesam i sočyć Alaksandr Niekraševič.
«Prosta cikava i plonna było panazirać, jak masavaja śviadomaść pieraŭtvaraje kłasičnuju mifałohiju ŭ sučasnuju, i jak kłasičnyja bahi transfarmujucca ŭ sučasnych miedyjnych piersanažaŭ, — kaža Alaksandr Niekraševič. — Ja rablu sintez kłasičnaha mastactva z sučasnaj mifałohijaj, składzienaj z kinastužak, komiksaŭ».
Na dumku kuratara prajektu mastactvaznaŭcy Iryny Sałamacinaj ciapier čas «masavaha kapijavańnia tvora».
«Sa źjaŭleńniem srodkaŭ kapijavańnia kaštoŭnyja karciny — vysokija ŭzory mastactva — byli masava rastyražavanyja, dziakujučy čamu adbyłasia demakratyzacyja hramadstva, — zajaŭlaje Sałamacina. — Ciapier Mona Liza i Hierakł, hetaksama jak Betmen i Madonna, mohuć na adnolkavych pravach visieć u kožnym pamiaškańni».
Sam Alaksandr Niekraševič (naradziŭsia ŭ vioscy Bobryk na Bieraściejščynie ŭ 1973 hodzie), jaki pracavaŭ u ciuninhu, mastackaj rasfarboŭcy mašyn, matacykłaŭ i navat pryvatnaha reaktyŭnaha samalota Ł-29, znachodzicca ŭ samym centry takoha kapijavańnia kłasičnych tvoraŭ — jamu nazirać za pracesam źlićcia vysokaha i prykładnoha mastactva lahčej.
«Nakolki ŭ zamožnych ludziej, jakija chočuć vyłučycca pry dapamozie afarboŭki mašyny, mocny pociah da kapijavańnia kłasičnych karcin: Mona Lizy ci pracaŭ mastakoŭ epochi Adradžeńnia, — dadaje Iryna Sałamacina. — Ciapier užo ŭ mastackich pracach Niekraševič abhulvaje hetaje vykarystańnie vysokaha mastactva ŭ masavaj kultury, hetaje spałučeńnie niespałučalnaha».
Cytujučy kłasičnyja tvory Bacičeli, Leanarda Da Vinčy, Niekraševič nie raspracoŭvaje novyja vyjavy, ale padkreślivaje svaje asablivyja stasunki z kłasičnym mastactvam, i praz kambinacyju z masavaj kulturaj daje dakranucca da hetaha śvietu hledaču.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB33
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary