Iran pryhraziŭ u vypadku naziemnaj apieracyi ZŠA pierakryć vychad z Čyrvonaha mora
U Iranie zajavili, što pierakryć Bab-el-Mandebski praliŭ, kali ZŠA pačnuć naziemnuju apieracyju suprać jaho. Pra heta paviedamlaje iranskaje ahienctva Tasnim sa spasyłkaj na vajskovuju krynicu.
Pa słovach krynicy, Iran zdolny stvaryć realnuju pahrozu dla hetaha važnaha marskoha šlachu i papiaredžvaje ZŠA nie paharšać situacyju.
Bab-el-Mandebski praliŭ znachodzicca pamiž Jemienam z adnaho boku i Erytrejaj dy Džybuci z druhoha i złučaje Adienski zaliŭ z Čyrvonym moram. Jon maje vialikaje značeńnie dla suśvietnaha handlu, bo praź jaho i Suecki kanał prachodzić značnaja častka marskich pieravozak.
Raniej pradstaŭniki jemienskich chusitaŭ taksama zajaŭlali, što mohuć zakryć hety praliŭ dla ZŠA i Izraila, kali ŭstupiać u kanflikt na baku Irana. Pavodle ich słoŭ, mohuć być spynienyja jak handlovyja sudny, tak i vajskovyja karabli.
Iran padtrymlivaje chusitaŭ i zajaŭlaje pra hatoŭnaść da dalejšaj eskałacyi, pahražajučy adkryć novyja kirunki supraćstajańnia.
Raniej Iran užo paŭpłyvaŭ na sudnachodstva ŭ Armuzskim pralivie, praź jaki prachodzić vialikaja častka suśvietnych pastavak nafty i zvadkavanaha hazu. Heta pryviało da rostu cen na enierharesursy, a za prachod sudnaŭ, pavodle niekatorych źviestak, irancy stali brać značnyja nieaficyjnyja płaciažy.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli3
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary