Na miažy praviaduć dvuchmiesiačny ekśpierymient pa paskareńni mytnaha afarmleńnia
Z 30 sakavika ŭ punktach propusku «Kazłovičy», «Bierastavica» (abodva na miažy z Polščaj) i «Hryharaŭščyna» (na miažy z Łatvijaj) pačniecca ekśpierymient, skiravany na paskareńnie mytnych pracedur i palapšeńnie ŭzajemadziejańnia pamiž biznesam i mytnymi orhanami.
Sutnaść ekśpierymienta ŭ tym, što ŭdzielnikam źniešnieekanamičnaj dziejnaści prapanujuć padavać dakumienty ŭ elektronnym vyhladzie — heta mohuć być transpartnyja dakumienty, rachunki-faktury i inšyja papiery, jakija supravadžajuć hruz i prykładajucca da elektronnaj tranzitnaj dekłaracyi.
Hetaja mahčymaść realizavana praz ahulnadziaržaŭnuju aŭtamatyzavanuju infarmacyjnuju sistemu ŭ miežach śpiecyjalnaj elektronnaj pasłuhi dla pieradačy dakumientaŭ mytnym orhanam.
Kab uzajemadziejańnie było bolš zručnym i efiektyŭnym, biznesu rekamiendujuć adrazu nakiroŭvać poŭny pakiet adskanavanych dakumientaŭ — u tym liku śpiecyfikacyi, upakovačnyja listy i ich pierakłady. Fajły pavinny być jakasnymi i čytelnymi, u farmatach PDF abo TIFF z vykarystańniem raspaznavańnia tekstu (OCR).
Ekśpierymient budzie doŭžycca da 31 maja 2026 hoda.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary