На мяжы правядуць двухмесячны эксперымент па паскарэнні мытнага афармлення
З 30 сакавіка ў пунктах пропуску «Казловічы», «Бераставіца» (абодва на мяжы з Польшчай) і «Грыгараўшчына» (на мяжы з Латвіяй) пачнецца эксперымент, скіраваны на паскарэнне мытных працэдур і паляпшэнне ўзаемадзеяння паміж бізнэсам і мытнымі органамі.
Сутнасць эксперымента ў тым, што ўдзельнікам знешнеэканамічнай дзейнасці прапануюць падаваць дакументы ў электронным выглядзе — гэта могуць быць транспартныя дакументы, рахункі-фактуры і іншыя паперы, якія суправаджаюць груз і прыкладаюцца да электроннай транзітнай дэкларацыі.
Гэтая магчымасць рэалізавана праз агульнадзяржаўную аўтаматызаваную інфармацыйную сістэму ў межах спецыяльнай электроннай паслугі для перадачы дакументаў мытным органам.
Каб узаемадзеянне было больш зручным і эфектыўным, бізнэсу рэкамендуюць адразу накіроўваць поўны пакет адсканаваных дакументаў — у тым ліку спецыфікацыі, упаковачныя лісты і іх пераклады. Файлы павінны быць якаснымі і чытэльнымі, у фарматах PDF або TIFF з выкарыстаннем распазнавання тэксту (OCR).
Эксперымент будзе доўжыцца да 31 мая 2026 года.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары