Płanujecca, što pieršy ŭčastak «pojdzie» ad płoščy Banhałor u bok vulicy Charkaŭskaj.
Pačać pravodzić kalcavuju (čaćviortuju) liniju mietro płanujuć užo sioleta. Pra heta 2 krasavika padčas sustrečy z kalektyvam «Tresta Minskprambud» raspavioŭ namieśnik staršyni Minharvykankama Alaksandr Černikaŭ, pišuć Minsk-naviny.
«Što datyčycca paŭnočnaj častki linii, to jaje kontury ŭžo vyznačany, a paŭdniovaja — pakul praličvajecca. Jak i raniej, budaŭnictva płanujuć vieści ŭ niekalki etapaŭ, jakija buduć realizoŭvacca paśladoŭna.
Płanujecca, što pieršy ŭčastak pojdzie ad płoščy Banhałor u bok vulicy Charkaŭskaj, — udakładniŭ namieśnik staršyni Minharvykankama.
— Pavodle acenak ekśpiertaŭ, na ŭźviadzieńnie čaćviortaj vietki ŭ spakojnym tempie spatrebilisia b dziasiatki hadoŭ, ale pastaŭlena zadača paskoryć jaje budaŭnictva prykładna ŭ dva razy».
Asablivuju ŭvahu Černikaŭ nadaŭ budaŭnictvu novych stancyj Zielenałužskaj (treciaj) linii mietro — «Park Družby narodaŭ», «Kamaroŭskaja» i «Piarespa».
Dla ich uźviadzieńnia ŭ červieni 2025 hoda zapuścili tuneleprachodčy miechanizavany kompleks «Alesia». Akramia taho, dniami ŭ stalicu dastavili jašče adzin taki kompleks, ale ŭžo nie francuzskaj, a kitajskaj vytvorčaści, jakomu dali imia «Maryja». Siońnia vykonvajecca jaho zborka, paśla čaho jon pačnie prakładku tunela ad «Parka Družby narodaŭ» da stancyi «Jubilejnaja». Darečy, za miesiac takaja technika zdolnaja prachodzić nie mienš za 250 mietraŭ.
«Z studzienia 2026 hoda viadziecca inžyniernaja padrychtoŭka terytoryi kala haścinicy «Jubilejnaja». Na praśpiekcie Pieramožcaŭ — ad vulicy Mielnikajte da praśpiekta Mašerava — skaracili kolkaść pałos dla ruchu transpartu: z troch da dźviuch u kožnym napramku. Zaraz vykonvajucca raboty pa ŭmacavańni kalektara, pobač ź jakim buduć prakładvać tuneli treciaj linii. Heta nieabchodna, kab zabiaśpiečyć jaho apornuju zdolnaść i hiermietyčnaść, vyklučyŭšy ŭ budučyni ryzyku avaryj», — patłumačyŭ namieśnik staršyni Minharvykankama.
Taksama niedaloka aharadzili ŭčastak Śvisłačy. Tam projdzie tunel, adnak jaho daviadziecca apuścić u ščylnyja i ŭstojlivyja płasty hruntu — nižej zony rečyšča na 6—8 mietraŭ. Chvalavacca za biaśpieku takoha zbudavańnia nie varta, pakolki budzie vykarystana vysokadakładnaja tunelnaja prakładka, a jana ličycca vodaniepranikalnaj.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
Heta mit, u Krasnym Baru niamašaka ludziej, Rehularna jezžu z boku Sucharava praz prypynak Krasny Bor, tam zvyčajna 1-5 čałaviek ci zusim nikoha. Pobač, 3 prypynka, mietro Kamiennaja Horka.