Biełaruski chor skaryŭ žury polskaha konkursu «Maju talent» narodnaj pieśniaj pra Kalady
Chor emihrantak ź Biełarusi i Ukrainy SPIEVY, u jakim, siarod inšych, śpiavaje vakalistka i hołas minskaha vakzała Rusia Shuma (Maryna Šukiurava), skaryŭ žury papularnaha polskaha šou «Maju talent!» («Mam Talent!»). Usie čatyry sudździ vysoka acanili vystup śpiavačak i skazali im adnaznačnaje «tak». Chor trapiŭ u paŭfinał.
Dla svajho kancertnaha numaru dziaŭčaty abrali narodnuju pieśniu «Kalada» — vykonvali jany jaje akapeła, pieradajučy ŭsie adcieńni vyklučna mocaj šmathałośsia.
«Try hady tamu my zrazumieli, što majem patrebu ŭ čymści ad našaj ziamli, na jakuju nie možam viarnucca. Patrabavali niečaha z našaha DNK. I my chacieli śpiavać. I znajšli padtrymku sami ŭ sabie i ŭ śpievach», — patłumačyli artystki historyju źjaŭleńnia svajho kalektyvu ŭ Varšavie.
Padčas vystupu SPIEVY sudździ nie chavali svajho začaravańnia vakałam žančyn — niekatoryja ažno zapluščyli vočy ad zadavalnieńnia.
«Ja zakachanaja», — prakamientavała ŭ kancy viadomaja polskaja śpiavačka i piśmieńnica Ahneška Chylińskaja. Inšyja adznačyli, što śpievy nibyta pahruzili ich u inšaje vymiareńnie, mietafizičnuju prastoru.
Žanočy prajekt SPIEVY ŭźnik u 2023 hodzie. Jon vykonvaje tradycyjnyja biełaruskija, a taksama śpievy pamiežnych terytoryj — Polščy, Ukrainy i Litvy. Ich možna sustreć na šmatlikich biełaruskich (i nie tolki) mierapryjemstvach ci pasłuchać anłajn — chor užo vypuściŭ mini-albom.
Prajekt SPIEVY vypuściŭ pieršy albom z tradycyjnymi śpievami i klip «Iskarka»
«Za kožnaj pryhožaj karcinkaj staić vialikaja praca». Biełaruska raskazała, jak źniałasia ŭ modnym časopisie Vogue
Jak K-pop, tolki B-pop — śpiavačka Palina Dabravolskaja zapisała novy albom na biełaruskaj i polskaj movach
«Chiejtu ŭ maim žyćci było šmat». Što za dziaŭčyna zdymaje biełaruskich artystaŭ i papularnaje biełaruskaje jutub-šou «O(b)suždajem»
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary