Hetyja dazvoły mohuć uskładnić namahańni Zachadu pa pazbaŭleńni Rasii dachodaŭ ad vajny va Ukrainie i pryvieści da razychodžańniaŭ pamiž Vašynhtonam i jaho sajuźnikami.
Administracyja Donalda Trampa padoŭžyła dziejańnie vyklučeńniaŭ, jakija dazvalajuć krainam kuplać padsankcyjnuju rasijskuju naftu i naftapradukty, paviedamlaje Reuters.
Vašynhton imkniecca takim čynam strymać suśvietnyja ceny na enierhanośbity, jakija rezka vyraśli na fonie amierykana-izrailskaj vajny ź Iranam, adznačaje ahienctva.
Ministerstva finansaŭ ZŠA dazvoliła kuplać naftu, zahružanuju na sudny pa stanie na piatnicu, da 16 maja — heta padaŭžeńnie pieršapačatkovaha 30‑dzionnaha dazvołu, termin dziejańnia jakoha skončyŭsia 11 krasavika, vynikaje z dakumienta, apublikavanaha na sajcie viedamstva.
Padaŭžeńnie było aformlena praz dva dni paśla taho, jak ministr finansaŭ Skot Biesent zajaviŭ, što Vašynhton nie budzie praciahvać dazvoł, jaki dazvalaŭ krainam nabyvać rasijskuju naftu biez ryzyki sankcyj ZŠA.
Hetyja dazvoły mohuć uskładnić namahańni Zachadu pa pazbaŭleńni Rasii dachodaŭ ad vajny va Ukrainie i pryvieści da razychodžańniaŭ pamiž Vašynhtonam i jaho sajuźnikami, adznačaje Reuters.
Tak, staršynia Jeŭrakamisii Ursuła fon der Lajen zajaŭlała, što ciapier nie čas asłablać sankcyi suprać Rasii.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała21
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
Zdajecca, Tramp prapanoŭvaŭ Jeŭropie nie kuplać u Rasiei, a kuplać u inšych krain? Kab hrošy nie išli ŭ Rasieju?